Thawngtheih Nuam: Min Aung Hlaing Cu Ralhrang 2500 Nih Acungah Ngeihchia Taktak In An Tuah. Min Aung Hliang nih rampi uknak a lak hnu in nihin tiang ah ralkap Ralkap minung 2500 hrawng bak CDM ah an lut cang tiah RFA nih a tarlangh. Hi milu zat an langhter mi hi NUG Cozah le CDM Myanmar Police Channel nih cazin an langhter mi a si i hi nak zong hin an tam deuh kho. CDM a tuah mi chung ah hin Ralbawi General Rank telh in ralkap minung 1500 hrawng an si i Police Bawi telh in police 1000 an si hna” tiah RFA nih cun a tarlangh.

 

Kan hnu August 23 ah khan NUG Cozah, President nih Police le ralkap pawl sawmnak a tuah, Ralhrang sin ah um loin, NUG Cozah taang ah rak cawlcang uh, rak i tel uh. A si khawh chung in kan i tawlrel hna lai tiah arak langhter. Cu hnu cun a zaam mi zong an hun karh ngai ti asi.Ralkap le Police chung zong ah mifim cathiam an tampi.

Rampi a daw mi, ram mipi zawn a ruat mi an tampi. Thildik, thil dik lo, thiltha le thil thalo a thleidang kho mi an tam pi ve. Cu caah NUG Cozah nih sawmnak a tuah mi, CDM tuah ding in sawmnak kan tuah mi hi a thatuk mi asi, Police le Ralkap tampi thinlung ah rian a ttuan hrimhrim lai tihi kan rak zumh cia mi asi” tiah NUG Cozah Defense minister U Ye Mon nih RFA ah a chim ve.