Thawngtheih Nuam: KNDO Le DKBA Nih Ralhrang Riahbuk Pakhat An Chuh Hna

Myanmar News

Thawngtheih Nuam: KNDO Le DKBA Nih Ralhrang Riahbuk Pakhat An Chuh Hna. September 3 zaan suimilam 8 ah KNDO le DKBA fonh in Karen ramkulh Myawady, Sukalih peng Sukalih le Wawlei lamton ah a um ralhrang bu Ukarih thah riahbuk cu an lak hnuah meiin an khangh dih tiah theih a si. Hika hrawng Karen hriamtlaibu pahnih Karen National Defence Organization (KNDO) le Major Saw Kyaw Thet hruaimi Damocratic Karen Budhist Army (buchuah) hna an cawlcanghnak hmun a si.

Karen thawngthanhnak pakhat nih a chim ningah KNDO le DKBA fonh in ralhrang riahbuk an lak, mei in an khangh dih. Thi le hliam mi zeihmanh kan theih rih lo tiah a chim. Ralhrangbu nih Karen ramchungah cawlcanghnak tam deuh an tuah ruangah i kahnak zong a chuak pah lengmang. September 2 ah KNU/KNLA ramchung Dwelo peng, Lutaw peng le Buto pengah kahdohnak a chuak.

Karen Army Leader Links Current Fighting To Burma Government's Mega  Development Projects - Karen News

September 2 ah KNLA le ralhrangbu i kahnak ah ralhrang 6 an thi, 4 hma an pu. Dwelo peng an i kah hnuah ralhrang bohmu Lin Htet Soe hruaimi khah-lah-yah 97 nih Watolaw khuachungah hriamngan lung 5 an kah tiah Kawhtoolei special force nih a chim. Nizaan September 3 zaan ah ralhrang le KNLA brigade 1 hna fak ngaiin an i kap than i, ralhrang 3 an thi, 5 hman an pu tiah KIC nih a tial.KNLA brigade 6 chung zong nizaan ah hmun 3 ah an i kap. Kaphnih in thazaang an i chap cuahmah tiah theih a si. The Chin Post

Leave a Reply