Thawngthanh Nak: CNA Le CDF Zuu An Din Nak Konglam Ah Fak Ngaiin Ralbawi Siang Lian Nih Avan Chim Ve Cang. CNA ralkap le CDF cu zuu lawng hi din an rian ko tiin CNA ralbawi asimi robert Siang Lian Thang nih atanglei bantuk hin fianternak le lehnak cu mipi sinah atuah cang. Laimi poh nih cun kan rel diuh awk asi. Dohthlennak atuah mi CNA zong si hnaseh CDF um mi zong si hnaseh zuu an din kong nak lam ah hin fak ngaiin achim ningah cun zuu ding lo mi bantuk khi an si.

Ei awk tha lo mi pakhat cu Nihin ni tiangah ralrhang adohtu hi ihnak reprai ngeilo mitku cim lo ei le din zong khim tein eilo le thlan luang hein nunnak ape mi hi acaan ah kan Chin pasaltha deuh pawl an si. An rit pah zongah chinland le chin miphun kilven ding timi rian an i khinh mi an tloh bal lo. Zuu kan din awk si ka ti duhnak silo zuu din tha ka pek silo vawlei cung zei ralkap bu hmanh nih zuu din hrim hrim lo dingin akhap mi an um lo.

Standard army an timi U.S ralkap hmanh zuu an pek hna cu ruangah kan ralkap pawl zong an din caan aum ve an luan caan aum ve ko an luan caan ah ralkap phung ning tein dantat an tong ve thiam thiam ko. Dohthlennak ah zeitin dah thazaang ka chuah lai i ka tel ve khawh lai ti lungput ngeiloin aherh setsai lomi ah online in buainak chuahpi tu nak in cun miphun le ram caah raldoh ding timi lungput he nunnak thap in ai thawh mi zuu ading an timi pawl khi upatnak sangtuk ka pek deuh hna. Credit: CNA Ralbawi Robert Siang Lian Thang