Thawngpang Update: Sagaing Peng Chungah Chungkhar Pakhat Ningin An Thah Hna

Myanmar News

Thawngpang Update: Sagaing Peng Chungah Chungkhar Pakhat Ningin An Thah Hna. Sagaing ramṭhen Sagaing peng Pachi khua ah nizan June 5 zinglei ahkhan chungkhar pakhat milu 4 umnak cu an chungkhar ning in thah an si. Vanchiatnak a tong mi chungkhar ah cun ngak chia 2 an um i, ngakchia 2 hna ruak cu hliam faak ngai an pu tiah tualchung mi bawmchan tu phu nih an chim.

Nizaan June 5, zinglei suimilam 8:00 hrawng ah an chungkhar ning in an ruak hmuh in hmuh an si i, Nunnak a liammi hna cu hringtu nule pa le an fale ngakchia 2 an si tiah bawmchantu phu chungtel pakhat nih a chim. Nunnak aliammi ruak 4 cu Sagaing siizung ah mi bawm chan tu phu nih an kalpi hna. Cu thil cang kong he pehtlai in Sagaing peng palik nih hlathlainak an tuah cuahmah lio tiah theih asi.

Mandalay Ah Inn 150 Leng Cu SAC Ralkap Nih Hramhram In An Hrawh!: Mandalay ramṭhen Amarapura peng ah chungkhar 60 hrawng um nak inn 150 leng cu SAC ralkap le palik nih nihin June 6 zinglei ah hramhram in an hrawhpiak hna tiah theih asi. Kan umnak hmunhma cu hlan pi pu chan in kan umnak a si cang. Tlanglawng lamkam um kan si caah SAC ralkap nih tlanglawng lam in pe(ft’) 10 hnu nan tolh ah cun a za ko, tiah an kan ti nain atu ah cun an kan hrawhpiak dih ṭhan minutes 30 lawng caan an kan pek.

Zinglei suimilam 9:00 hrawng ah an au i inn hrawktu ding motor pakhat a rak phan. SAC ralkap le palik 50 hrawng cu an hriam tling he an phan ve. Atu tiang ah chungkhar inn 60 hrawng umnak hrawhpiak an si cang. Inn hrawhpiak a tongmi hna cu timhtuahnak caan zong pek an si lo caah an ngaih a chia ngai hna tiah sangchung mi pakhat nih Yangon Khit Thit Media ah a chim.

Leave a Reply