Pathian mihman Frederick Lal Rin Dik le ahawi le accident an an tong. Tuzing india caan suimilam 5:20 ah Belthel Ministry Speaker Pathian mihman Frederick Lalrindika le ahawi le hna cu thlacamnak ngei in khua an tlawnnak in an rak kirlei ah ruahlopi in an i citmi motor cu lamthlang ah aa tla tiah thawngtheih asi.

Thawngpang ṭha ngaingai a um ṭhan. Frederick cu a hung ṭha ngaingai cang. A mah zong zeithil loin a umnak in a hung i ṭhang cang i a ban zong a samh/thlir khawh cang tiah thawngpang thar kan theih ṭhan. Lawmh a um tuk hringhran. Pathian nih a ven ti ai thei ngaingai. Pathian nih amah a rian a ṭuantu hna le amah leiah kar a hlangmi hna hi a kan philh hrimhrim lo ti fiang tein hmuh khawh a si.

Accident an tonnak hmun hi, Rangvamual vun lonh deuh i, Four Lane phakka hrawngah asi. Motor hi lamthlang ah metre 250 renglo aa let tiah an langhter chih. Pathian mihman Frederick le ahawi le hna hi Nizan ah khan tulio zawtnak konghe pehtlaiin thlacam in caan an hmang hna.

Minung pasarih an si i, Motor pahnih in an kal tiah an chim. Thlacam an kalnak hi Mizoram chung thlanglei ah a si i, Nizan suimilam 1pm ah khan Mamit ah rawl an ei hna. Cu hnu ah Aizawl panh in an rak kir lei, tuzing suimilam 5:20 ah atu bantukin ruahlopi in accident an ton hi a si tiah an langhter.

Atu ahhin an zah tein Aizawl Civil Hospital ah zohkhenh le thlopbul cuahmah an si hna. CT Scan an tuah hna tikah Frederick cu a ṭha ko atu an dirhmun ah hin cun cu tluk pi thinphang ngaingai um awk cu an um lo an ṭha ngai cang ko tiah sibawite sinin thawngpang kan theih.

Accident a tongmi chungin Vanlalliana Koinonia Ministry speaker tu hi tlawmpal a hliam hma ahung fak pah. Vanlalliana le Frederick hna cu MRI (scanning) tuah hna ning an si i atu hi tuah dingin an hngahpi a si. Frederic Lalrindik hi accident an ton lioah an citmi Motor nih a denh chih caah a rak lak cawi ngam lo i minung an hung tam deuh hnua lawng an chanchuah khawh hi a si. Cu ka cun Federick Lalrindik cu aizawl Civil Hospital ah an tlikpi colh i sibawite nih ultrasound le CT scan an tuah hnuah a result cu a ṭha (clear) dih ko tiah sibawite sinin thawngpang kan theih. Federick hawikom rual hna zong dam an hmuh zau nakhnga thlacamnak in bawm cio hna u sih!

Tuzing ah accident an tonnak kong rak rel chih: Pathian mihman Frederick Lal Rin Dik le ahawi le accident an an tong. Tuzing india caan suimilam 5:20 ah Belthel Ministry Speaker Pathian mihman Frederick Lalrindika le ahawi le hna cu thlacamnak ngei in khua an tlawnnak in an rak kirlei ah ruahlopi in an i citmi motor cu lamthlang ah aa tla tiah thawngtheih asi.

Accident an tonnak hmun hi, Rangvamual vun lonh deuh i, Four Lane phakka hrawngah asi. Motor hi lamthlang ah metre 250 renglo aa let tiah an langhter chih. Pathian mihman Frederick le ahawi le hna hi Nizan ah khan tulio zawtnak konghe pehtlaiin thlacam in caan an hmang hna.

Minung pasarih an si i, Motor pahnih in an kal tiah an chim. Thlacam an kalnak hi Mizoram chung thlanglei ah a si i, Nizan suimilam 1pm ah khan Mamit ah rawl an ei hna. Cu hnu ah Aizawl panh in an rak kir lei, tuzing suimilam 5:20 ah atu bantukin ruahlopi in accident an ton hi a si tiah an langhter.

Accident a tongmi Frederick a cuannak motor ah hin minung pali an i cit hna. Accident atongmi hna cu Frederick Lalrindik le WC Laldingngheta cun Vanlalliana le Lalduhawma an si tiah an chim chih. Frederick hi alu aa khawn i, ahmun um lio ahcun lungfimlo in a um. Asinain a zohkhanhtu Dr nih cun lungretheituk ding cu asi lo tiah a chim.

Accident atongmi Frederick le ahawi le minung pali hna cu Ebenezer sizung ah kalpi an si. Cu hnu ah Aizawl Civil Hospital ah tthialtthan an si hna. Sizung ah aharhmi tete CT scan an tuah hna. Hi sizung an phak hnu ah Frederick cu fiang lo nawn in aholh kho cang tiah an chim. Cun a hawi le hna zong an dirhmun thinphang tuk cu an si lo tiah an langhter chih.