KHAMHNÂK A TLAU KHO TIAH FB AH POST HI HRINȚHÂN LOMI KA SI TIAH MAH LE MAH I REPORT A SI. Zeicatiah Kum 50 chung Khamhnâk thawngțha chim i ka vahnâk ah khamhnâk a tlau kho tiah a timi hna he kan i ton i Pathian bia kan i ruah tikah a hrințhan mi hna pakhat hmanh an rak um lo ti hi ka hmuhtonmi ah fiang tein ka hngalh mi a si.

Zeitintiah tuahsernâk in khamhnâk hmuh ai tim mi an sinâk a fiantertu cu Sualnâk kan tuah tikah kan khamhnâk a tlau i țhatnâk kan tuah tikah kan khamhnâk a tlau lo tiah an ti tawnmi ah hin fiang tein an sining hngalh khawh an si. A sullam tak tak cu Jesuh nih vailamtahnâk ah ‘Ai lim cang’ tiah a timi kha A zatceu lawng a lim i a tângmi a zat ceu cu kanmah nih tuahsernâk in kan chap ve a herh tiah an tinâk a si caah Jesuh nih za ah za in a limmi Khamhnâk kha an rak co hrim hrim rih lo tinâk a si.

A ngai ngai ti ah cun thlau ding a simi khamhnâk zong an rak ngei tak tak rih lo i a tlau cia tu an rak si tinâk a si. Cucaah Khamhnâk ka thlau khawh timi cu Khamhnâk ka co rih lo Ka hrințhan rih lo Ti he ai khat mi bak a si. Note: Hi cabia hi Evan Rual Uk nih amah Facebook Timeline ah a thlahmi a si i Credit zong kan pek chih.