Thawngpang Thar: India ram, Manipur Ramkulh ah Myanmar Rammi Panga Tlaih An Tong!

Myanmar News

India ram, Manipur Ramkulh ah Myanmar Rammi Panga Tlaih An Tong! India ram, Manipur ramkulh, Churachandpur pengkomh Ngathal khua ah phung ning loin a ummi Myanmar rammi panga cu palik nih nizan August 9 ah an tlaih hna tiah theih asi. Ṭuanvo ngeitu pakhat nih India rammi sinak ID an ngeih lo caah kan tlaih hna tiah achim. A luancia June thla 28 lio zong ah Churachandpur pengkomh ah palik nih inn khat hnu inn khat checkhlatnak an tuah caah Myanmar rammi 20 telh in minung 80 an rak tlaih cang hna.

May be an image of 6 people and people standing

Thawngdang SAC Ralkap Le SNA Nih Hpakant Peng Seyin Khua An Khangh! Kachin ramkulh, Hpakant peng Seyin khua inn 400 hna cu hrawng cu SAC le Shanni Nationalities Army(SNA) i bawm in an rak khangh tiah khuami hna nih Media ah an chim. Nizaan August 9 zaan sml 11 hrawng in vanlei kahdohnak an tuah hnu ah mei in an khangh tiah theih asi.

Seyin khua cu inn 400 hrawng umnak khua a si i, a khua ning ti awk in a ciam. SAC le SNA i bawm in an khangh mi asi. Vanlei kahdohnak an tuah pin ah SNA cu an ra i khua chung thilri cycle le motor tibantuk pawl cu an khomh hna i hmunkhat ah an khangh dih hna tiah khua mi hna nih an chim chap. Seyin khua pawng i SAC le SNA sakhan hna cu KIA le PDF tangrual phu hna nih an lak hnu in kahdohnak faak ngai achuak i, cu kahdohnak ah cun SAC le SNA lei in 15 hrawng an thi. Cu hnu ah Seyin khua an khangh hi asi tiah khuami hna nih cun an chim chap.

Thawngdang Nihin zingka Tio/Khuamawi khua lei i kahnak a fah ngai caah ralhrang nih raltuknak Jet vanlawng voithum bak Chinram, Tio ah an vun zuanter colh. Tuzing alhrang nih jet a zuangmi video kan rak chiah, Chinram chung a zuan lio zoh khawh si. hHI KA LINK HI HMET LAW VIDEO ZOH KHAWH SI..

No photo description available.

Tuzing Rihkhawdar thawngpang: Rihkhawdar Kahdohnak Ah Ralzaam Pakhat A Thi, Pathum Hliam An Tuar! Chin ramkulh, Falam peng India-Myanmar ramri khua, Rihkhawhdar No.2 sang i Ṭio tiva kam tlangcung ah a ummi SAC ralkap le tualchung hriamtlaibu hna cu tuzing August 10, zinglei 5 in 8 tiang an i kap, tiah theih a si.

SAC Ralkap hna cu Rihkhawdar No.1 sang ah a ummi an hawile nih hriamngan in an bawmh peng hna i hriamngan kuan pakhat cu khuachung ah a tlak caah Kalaymyo in a rami ralzaam pakhat a thi i khuami dang pathum zong hliam an tuar, tiah theih a si. Rihkhawdar No.2 sang ah a ummi mizapi hna cu an dihlak ti awk in India lei kap ah an zaam dih i ramri hlei kam ah a ummi hna lawng an zaam lo, tiah theih a si.

Thawngpang dang: Tlaih a tongmi Myanmar rammi hna caah NUG nih Malaysia ramdang lei zung nawlnak a tuah. Malaysia ram August 9 zinglei ah tlaih a tongmi Myanmar rammi hna kong he pehtlai in NUG nih Malaysia ramdang lei zung ah nawlnak ca a kuat tiah a thanh.

Tlaih a tongmi Myanmar rammi 170 leng cu Malaysia JIM hruainak in an tlaih hna i an umnak Myanmar ram ah kuat ṭhan ding an timh hna caah thinphang in an um tiah a chim. NUG ramdang lei zung nih cu kong he pehtlai in a caan chung te ah ka tawlrel lai tiah thawng a thanh.

United Nation High Commissioners for Refugees (UNHCR) cazin ning ahcun Malaysia ram ah aa rak dormi ralzaam 181,000 an um i cu chungah 85% hi Myanmar rammi an si i Rohingya ralzaam 103,000 an i tel tiah a chim. Malaysia ram ah phunglut lo ramdang rianṭuantu 2 million leng an um i cu chungah Myanmar rammi hi sing tampi an um tiah ruahdamh a si, cu chungah phunglut lo in a ummi tampi zong an um.

Leave a Reply