Thawngpang Tha tuk Asi ee! Dr. Aung Myint Thang le Hringtu Apa Corona Virus In Teinak An Hmu Cang

Chin News

Thawngpang Tha tuk Asi ee! Dr. Aung Myint Thang le Hringtu Apa Corona Virus In Teinak An Hmu Cang. Laimi nih kan bochan ngai mi Rev. Dr. Aung Myint Thang le hringtu apa cu Covid zawtnak in an dam cang tiah kan theih. A mah hi zumthlum, thikai le asthma ti bantuk zawtnak a ngei chih mi a si nain, Pathian thawng le a mah pumpak lungthawn nak thawng in Covid zawtnak a tei khawh hi asi. Cu lawng si loin, hringtu apa zong kum 80 asi ve cang nain Pathian le a mah lungthawnnak thawng in damnak a hmu ve. Pathian nih damnak le thawnnak pe chin hna seh.

 

Rev. Thawng Tha Thang  nih a lung lawmhnak a langhter mi “Chin miphun caah Thawngtha Taktak: Kan chinmi nih kan i bochan tuk mi, Rev. Dr. Aung Myint Thang he tuzing cu kan i chawn, Amah hi zunthlum, thikai le asthma ngei bu in Covid a kan teipiak khotu a si. Lungṭhawnnak he covid a zuamchawh bakmi pa a si. Tuchun test results ah an nupa in negative an si cang.

Apa kum 80 a simi zong nih covid a kan teipiak khawh caah lunglawmhnak tampi kan ngei. An inn i kan mi hna nih testkit an chanh lio i kan lungre theihnak vialte kha cu tuanbia an si cang.  Pathian caah a lethnih in kaa pe kho lai tiah a kan ti. What a victory in Jesus!”

 

Relchih July 22 zinglei sulmilam 7:00 am hrawng ah khan Kamaing PDF nih Ralhrang rallokap cu an va kal hnawh hna i an chek point luh nak kut ka ah bomb in an kah hna tiah theih asi. Hi khah nak ah hin rallokap lei in a tlawm bik minung paa4 an thi tiah theih khawh tawk mi chung in an chim.

Mah hmanh hi thawng fiang that e in an theih khawh rih lo caah ah asi. Mah nak tam hmanh thih khawh an si. A tu lio hrawng hrang hi ralhrang rallokap pawl hi an hrang bak ve nain a thi mi an tam tuk cang. Nikhat ah hin atlawm bik in minung 20 hi an thi peng ti awk si ko. Minung thazaang cun an tlawm ngai cang ko men la.Thawngthar : A Nunnak Thap In A Chungle A Chanhtu Pu Lalsiamliana Nizan July ni 21 ah zanlei suimilam 6 hrawgah Mizoram Thentlang khua VCP Pu Lalsiamliana cu an innchung rawlchuannak Gas a lik mi in mei a chuah i a va luh hnawh i, inn lengah a hlonh.Video hi innleng ah gas dur a hlonh hnuah innpa chakthlang nih an lak mi a si.Inn le lo, nupi fale le pawngkam nih harsatnak an in lo nak dingah Pu Lalsiamliana nih innkang ding a vennak hi zohchunh awktlak ngai a si.

Pu Lalsiamliana hi mei a alh cuahmah lio mi gas dur a cawi nak ah a tai tang lei fak ngaiin a kang tiah theih a si. Kahdonak ThawngThar : Kalay Ah Fak Taktak In An I Kap I Tuzaan Kalay Kahdohnak ah SAC Ralhrang 2 an Thi Tuzaan sml. 8:00 hrawng ah Kalaymyo ah SAC ralhrang le PDF-Kalay karlak kahdohnak minute 15 chung hrawng a chuak i, SAC ralhrang 2 an thi, tiah PDF-Kalay nih thawngpang an chuah. “Kannih PDF-Kalay lei tu cu him tein kan kir kho cang hna,” tiah thawngthanhnak ah an langhter chih.

Leave a Reply