Thawngpang Tha Taktak: Min Aung Hlaing Kuttang Pa General Than Hliang Mawtaw Bomb An Puah Hnawh

Myanmar News

Misual taktak a simi, Police Cheif a si lio tein sualnak lei, mipi hremnak le tlaihnak lei ah minthang taktak a simi, mipi nih an tih taktak mi Lieutenant General (ဒုတိယဗိုလ်ချုပ်ကြီး ) Than Hlaing motor cu tuzaan ah khan Bomb in an puah hnawh tiah theih asi. Mah thawngpang an chuah i tunai te ah a si, an chim ning ahcun nihin October 16, 2021 zaan suimilam 9:00PM hrawng ah khan Lieutenant General Than Hlaing cu Northwest Military Headquarters (အနောက်မြောက်တိုင်းစစ်ဌာနချုပ်) a kal lio, lampi ah a motor cit mi le a zultu motor pawl hna cu Bomb in an puah hnawh hi asi. Tuzaan bomb puah nak ah Police lei a thi mi le hliamtuar mi um len dawh an si tiah Mizzima News nih a tarlangh.

Than Hlaing hi SAC Ralhrang nih Deputy Minister of Home Affairs sinak an tlaih ter lio mi zong a si, cun Min Aung Hliang zong nih a zumh taktak mi pa a si lawng si loin ram mipi sin a rianttuan nak ah a sual taktak mi a si fawn tiah Mizzima nih cun a langhter chih. A mah hi SAC ralhrangbawi Min Aung Hliang nih Deputy Minister of Home Affairs sinak a tlaih ter lio mi a si lawng si loin tulio Chin ramkulh le Sagain ramthen dohnak ah hi tuanvo pek mi a si tiah an chim fawn.

Younger brother of Myanmar's police chief murdered in regime custody |  Myanmar NOW

Tuzaan ah khan Ralkap, Police tampi nih motor he an zulh i lampi an kal lio ah Sagaing ramthen Mipi hriamtlai pawl nih an motor cu Bomb in an puah hnawh hna hi asi. Lieutenant General Than Hlaing hi Sagaing ramthen, Magwe ramthen le Chin State chung dohnak ah tuanvo ngeitu bik, Min Aung Hliang mi zumh taktak mi a si caah Monywa ah rak thial cangmi asi. A si nain nai ah khan Naypitaw ah Meeting ding in a va kal ta than, cu a rak tlun lei lampi ah Bomb in a motor pawl cu an puah hnawh. Bomb puahnak nih a mah a khen le khen lo theih a si rih lo, a si nain police chung in a thi le hliamtuar cu an um len tiah Mizzima nih cun a langhter chap.

Leave a Reply