PiTaukKyi Khua Ah SAC Ralkap Motor 5 Bomb Puah An Ton Caah Ralkap 7 An Thi, Ralkap 11 Hliam An Tuar HtaWay pengkomh TaYet Chaung peng PiTaukKyi khua NatTaung lam ah nizan July 12 zanlei sml 5:00 hrawng Palaw in HtaWay lei ah a kalmi SAC ralkap motor 5 cu Eagle Guerrilla phu nih bomb in kan puahhnawh hna, tiah ṭuanvo ngeitu nih a chim.

SAC ralkap an motor 5 cu Eagle Guerrilla phu nih bomb in an puah caah motor 2 an rawk, tiah theih asi. Motor chungah SAC ralkap khat tein an i cit hna i, bomb kan puahhnawh hna i, seh meithal in an kah thluahmah caah kan tli, tiah Eagle phu in ṭuanvo ngeitu nih achim. Cu kahdohnak ah SAC ralkap ralbawi (Captain) telh in ralkap 7 an thi, ralkap 11 hliamhma an pu. Palaw lei ah a rannak in an tlikpi hna tiah theih a si. SAC ralkap motor cu Eagle Guerrilla phu(T.Y.C-PDF) nih an kah hna i, anmah lei in a thimi le aa hliammi an um lo tiah theih.

Thawngdang DF-Mindat Sin Ah SAC Ralkap Pakhat A Hriamtling He CDM A Tuah!: Chin ramkulh, Mindat peng ah CDF-Mindat sin ah nichuah thlanglei headquaters khah-mah-yiah 512, ṭaṭ-khuai 4 in ralkap Zin Lin Aung, private number ṭah – 531946 cu July 11 ah a hriamtling he CDM a tuah, tiah theih a si. CDM a tuahtu ralkap nih cun MA-1(23078) pakhat, kuanbawm 3, kuanfang lung 123, bomb lung 2 le kuankham zunkhat he CDM a tuah.

Zin Lin Aung cu Chin ramkulh chung kahdohnak Vuangtu ah a rak i tel balmi a si. Atu ah cun a himnak hmun ah kuat a si cang tiah theih a si. Tayatchawng Peng Ah SAC Ralkap Motor Run Bomb Puah An Tong I, 7 An Thi! Tanintharyi ramṭhen Tayatchawng peng leiin Padauk Kyi khua pawng ah SAC ralkap motor 5 cu, nihin July 12 zaanlei ah bomb puahhnawh an ton caah SAC ralkap 7 an thi i, minung 11 hliamhma an tuar, tiah TheinHngait hriamtlai phu Folcon PDF-TYC sin in theih asi.

SAC ralkap a thi mi lak ah cun SAC ralbawi zong an i tel. Hliam a pu mi hna cu mizaw phorhnak motor nih a rannak in a thiar hna, tiah tualchung media nih an thanh. Tualchung hriamtlai phu lei cu hliamhma tuar um lo in hnu kan tolh kho, tiah Falcon PDF-TYC phu nih an thanh.