Bangladesh ram ah dornak hmun kawl in a zammi minung 3450 cu ttha tein zohfel an si i Myanmar ram ah ap ding an si ahcun cohlan dingin kan i ralring/ready ko tiah President Zung i biachimtu U Zaw Htay nih thawngpang latu sinah a chim phuan.

Kawlram in Bangladesh ram ah dorhmun khun khur in a ummi ralzam chungin ttumhnihnak ah rak kuat dingmi minung 22432 chungin minung 3450 hna cu a ralai dingmi August 22 in cohlan dinng kaphnih hnatlaknak in lakding an si lai tiah U Zaw Htay nih a chim. Bangladesh ram in Kawlram ah tumthum in kuat ding in tthen an si tumkhatnak ah mi 8032, tumhnihnak ah mi 22432, tumthumnak ah mi 25047 tiin kuat ding an si lai tiah a chim chap.

Ramleng tlangbawi zung i rianttuantu U Myint Thu nih ralzam cohlan tthannak ding kong he pehpar in August 9 ah Bangladesh palai cu auh in ceihphai ttinak a um i Kawlram ah kuat tthan asi dingmi hna chung in Kawlram ah rak um taktak mi an si le si lo le ralhrang he pehtlaihnak an ngei mi an si le si lo ceihmi chungin cohlan khawhmi cazin ah Bangladesh cu a kuat cang tiah a chim. A umnak a chuak taakmi hna cohlan tthan dingin 2018 November 23 in ralrin cangmi asinain biadang phunphun ruangah an ra thleng kho lo tiah U Zaw Htay nih cun a chim chap rih. Ref : DVB