Insein i Covid-19 a ngeimi minung (4) hna kha Church Pastor le ringawn tumtu hna an si tiah theih a si. Ngandamnak zunglei nih April 12 zing i Covid-19 ngeimi cazin thanhnak an tuahmi a Insein peng in minung (4) an i tel. Cu hna lakah minung (4) cu East Kyugone veng i His Glory Ministry Mission Church i an Pastor le ringawtumtu hna an si.

Hi minung (4) Covid-19 zawtnak angeimi hna hi kum (34), kum (35),kum (36) le kum (37) hrawnghrang minung an si hna i anmah hi ramdangmi an i pumhnak/ telnak biakinn ah pum cangmi an si hna. Tuzing ah Insein i an zawtnak ngeimi an hmuhmi hna minung (5) lakah minung pakhat cu kum (78) pitar asi tiah theih a si.

Kawl media a hung laimi cu zeidah a si ti ahcun Iron Cross phu chungin hlasakthiam minthang taktak a simi Myo Gyi cu Covid-19 a ngei tiah thawngpang a hung thang. Mi tampi nih cun a dik lomi a si tiah an chim len ve. Hi kong he pehtlaih in hlasakthiam Myo Gyi nupi nih mipi sinah fianternak a tuah. A chimmi cu “Case 37 mizaw hi Myo Gyi asi lo. Mipi nih lungre nan theihpi i kan i lamw tuk. God bless you all” tiah a facebook cahmaiah cun aṭial.

Case 37 hi Myo Gyi a si lo zia le Case 37 nak zawtmi hi an theih hngalhmi minung anmah hawikom a sinak zong a ṭial chih. Kawl media nih theih setsai loin aṭial sawhsawhmi a si. Insein i Covid-19 a ngeimi minung (4) hna le Myo Gyi hi a pehtlaimi le a naihniammi an si hna. Atu lio kawlram zong zawtnak a hung ngaingai ve cang. Atu tiangah a dihlak in a ngeimi minung (39) an si cang i chinmi hi minung (3) kan i tel ve cnag. Cucaah aho cio poh i ralrin ko hna u sih!