Thawngpang fehternak. Kraft foods company (Garland, TX) ah riantuanmi pakhat cu Covid-19 zawtnak an hmuh timi thawngpang hi a hmanmi thawngpang a si ko. Nithum ni zan (04/01/2020) khan mah zawtnak covid-19 a ngeimi an hmuhnak kong hi Kraft foods nih a theih thawk ni a si.

Laimi tampi tuannak a si caah ahleice in iralring thiam kan hau,abikin ngandamnak tha lomi le tar ngeimi hna ca hrim ah iralring taktak kan hau. Kraft foods, Garland, TX riantuantu nih a ka chimhmi ah sick leave lak a duhmi le mah tein inn ah ierh ( Self-quarantine ) a duhmi cu off nak nawl pek khawh an si ko lai ti a si .

DALLAS COUNTY ah inn ah um cio ding in nawl an chuah than. March 23 ( nikhat ni zan) 11:59pm thawk in April 3 tiang inn ah um cio dingin an rak chuahmi order kha May 20,2020 tiang zulh dingin an sauter than. Theihcia cio bang mah order zulh dingmi cu inn ah um ding, alengah a herh lo ah chuah lo ding ti a si.

Nain a leng i lamkalnak ( lansoih) , a herhmi sii le rawl cawk , chungkhat mizaw zohkhenhnak pawl cu kham a si lo. Cun minung nih nitin kan nunnnak ah a herhmi tirawl le thilri tuahtu , riantuantu company hna cu mah order nih a sawh duhmi a si lo.Nain minung nitin nunnak caah a herh bak lem lo timi thil/thilri a chuahtu company riantianmi paohpaoh cu i dinh ding, siloah inn in riantuan ding ti a si. Credit: Salai Z T Lian