Admin||04-Vaupi 25-2020||President Donald Trump hi cu USA mipi caah cun a rak ṭha ve hrim ko. Coronavirus ruang ah American mipi hna an thih cuahmah lawng si loin a dammi zong rian ngeilo an tamtuk caah President Trump nih bawmhnak peek ṭhan ding in a rak chim. A chim bantuk tein small business, hospitals ca le ngandamnak lei rianṭuantu hna caah tiin USD 484 billion bak bawmhnak peek ding in min a thut cang. Hi bawmhnak phaisa hi ramchung ngandamnak hneksaknak rian ṭuannak ding ca zong ah a herhning in hman a si lai.

Hi bantuk in President Trump nih min a thut lio ah hin Vice President Mike Pence, Treasury Secretary Steven Munchin le SBA lutlai a simi Jovita Carranza hna zong an i tel kho. Cun GOP House leaders Reps. Liz Cheney, Kevin McCarthy le Steve Scalise hna zong nih an telpi hna. Trump nih a chimmi cu hi bantuk in thil kan tuahmi hi small buinesses le rian ṭuantu hna caah a ṭha hringhrenmi a si. African-American le Hispanim Americang business ngaitu minung thong tampi hna ca zong ah a ṭhahnemmi a si lai tiah a chim chih.Kan ram nih thihnak a chuahpitu rungrul kan ton cuahmah lio a si. Hi zawtnak ṭhalo ruangah hin minung thong tampi hna cu rianṭuan kho loin an um. Cu pin ah minung thong tampi hna cu an thi cuahmah cang hna. Cu lawng si rihlo in minung thong tampi hna cu rian ngeilo in an um cang hna. Hihi ngaihchiat awk taktak a simi thil a si tiah Speaker Nancy Pelosi nih a chim. A peh rihmi cu hi zawtnak ruang ah hin minung 50,000 deng kan thi cang. A ngaingai tiah cun hi nak zong hin a thimi hi kan tam kho. Kan dihlak in thla kan cam cio a herh ko tiah a chim chih. Ref: ABC News

Note: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevening page ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.