Thawngpang Ṭha Taktak: Kan Farnu A Hniang Zong Negative A Si Cang Ee

Chin News

Halleluijah thawngpang ṭha taktak kan vun theih cang. Hakha sizungah aa thlopmi Covid-19 mizaw Case-150 kan farnu te telh chih in minung (14) hna cu a voikhatnak zohfelhnak an ngeihmi hna ah Negative an si tiah thawng kan theih. Lawmh a tuk hringhran.

Hi negative kong he pehtlaiin kan far zong nih amah hrimhrim nih facebok in i chawnh biak a ngeihmi amah zong nih a chimmi a si i, zohfelnak an ngei ṭhan lai i cu hnuah negative a si rih ko ahcun a chuak kho ding dirhmun ah a dir cang. Damnak taktak a hmuhnak hnga thlacamnak in bawm cio hna usih!

Hi kong he pehtlai in Salai Tluag Te nih hitithin a tial ve “Thawngtha taktak. COVID-19 Case No.150 kan nau nute telh in minung 14 a phichuak Negative. Tedim sii-inn i case no.31 zong Negative. Praise the LORD,” tiah a facebook cahmaiah a taarmi hmuh khawh a si. Thawngpang ṭha ngaingai a si.

Salai Ramtin Thei nih hithin comment a pek ve” Thawngpang thatuk na kan thanh i kan ilawmtuk. Keicu an check ahhin; check dan maw, cheknak thilri maw chambaunak a um hnga maw ka ti phah, zeipoh hi a tlingdih timi cu a umlo i theihthiam asi ko. Kan farnu China in a tlunnak thla 1 hlei asi cang. Naite ah a Positive tiin a thang, a zawtnak zeihmanh a pum cungah symtoms a langlo. Ni 14 in ni 21 ahcun a langh awk asi cang. Cun aa chawhlehnak ah a chawnh pah cang hna ding hrim zong asi. Atu ah a negative ti a si hoi than. Lunghrin awk tampi a um,” tiah comment a pek ve.

Leave a Reply