Thawngpang ṭha: Saya David Lah Sual An Puhnak Cu A Dik Lo Tehte An Chuahpi Kho Lo

Myanmar News

Thawngṭha chimtu Rev. David lah nih Covid-19 zawtnak zulhphung buarin mibu pumhnak a tuah timi kongah tehte an chuahpi kho rih lo tiah Saya David Lah sihni U Aung Gyi Win nih a chim. Saya David Lah cu June 3 ahkhan amahkhan an hal nain biaceihzung an rak hnonpiak hna.Myanmar: Canadian preacher denied bail after Church services led ...

Hi kong he pehtlai in John F Thawng nih a siahernak a langhter vemi cu, “Rev. David Lah cu 7.4.2020 ah mipi a pumh hna tiah Mayangone myone block 7 khuabawi pa nih report antuah mi an palh diam cang ai. 5.4.2020 Zan lei in inn ah dai te ai din diam cang mi asi caah 10.6.2020 Zung ah chuah ni cu Mayangone Myone block 7 khuabawi pa cu a lo ko cang hih. Zumtu hna thla cam ko rih usih. Saya te pa li cu a dang tein an chiah hna ii tha tein an zohkhenh ko hna tiah Sym Chery Htoo nih a fb ah a tial mi zong kan hmuh tik ah hnangam ngai asi ko,” tiah a langhte ve.

A konglam ṭhing BBC nih a ṭialmi rak rel chih: Thawngṭha chimtu Saya David Lah le U Wai Tun (Nawarat) cu baiceih an si lio cang. Thawngṭha chimtu Saya David Lah le U Wai Tun (Nawarat) tazacuai mi kongkau he pehtlai in tazacuai tu le tette pawl cu June 8 ah biahalnak tuah thok an si cang. Atu tan ah tazacuai tu U Ye Win Aung nih Saya David Lah nih thawngṭha a rak chimmi audio files pawl cu tette ah pek asi nain hi thawngṭha chim mi pawl cu hlan lio rak chim cia mi pawl an si tiah David Lah lei Lawyer nih a leh ṭhan hna tiah theih asi. U Ye Win Aung cu Mayangone township No.7 sang uktu asi.

Image may contain: one or more people

Saya David Lah le U Wai Tun (Nawarat) cu Covid-19 zawtnak caan chung cozah nih nawl chuah mi zulhphung an buar i mipi he ton pumhnak an tuah timi ruang in tazacuai an tonnak asi. An mah zong Covid-19 zawtnak an hun ngei ve caah an dam thiang dih hnu lawng ah hi biacheihnak an tuah asi. June 8 tuah mi biaceihnak ah cun U Wai Tun a nau nu hlasakthiam Tracy zong arak ra ve. Cu leng ah miphun kongkau cawlcaang ngai mi Phungki U Pamaukkhah zong arak ra ve.

Image may contain: 1 person, crowd and outdoor

Tuan deuh biacheihnak ah khan Saya David Lah le U Wai Tun (Nawarat) cu thawnginn leng in biacheih khonak nawl hal piak an si nain biaceihzung nih a cohlan piak hna lo. Hi kong hi Mayagone township biaceihtu bawi U Moe Swe nih a tawlrel lio asi, June 15 ah biaceih ṭhan an si lai. Yangon ramṭhen ah coronavirus asi kho mi mipi tonpumhnak tuah ruang ah Saya David Lah le U Wai Tun (Nawarat) lawng si lo in Saw Kwe War (church pastor) le Saw Grandy zong Natural Disaster Management Law-NDML tang ah tazacuai an si ve. An pali ning tein Insein thawng ah umter an si. Hi NDML, Section 25 in tazacuai mi nih a tambik kum 3 thawng thlak leng ah tangka liam ter kho zong asi.

Image may contain: one or more people

Cozah nih biaknak lei puai tiah thawng a thanh mi thlacamnak puai cu Yangon, 8 miles um Yangon Brethren Assembly Church hmun inn pakhat ah March 16 in April 7 tiang tuah a rak si. Hi thlacamnak cu Saya David Lah le U Wai Tun (Nawarat) hruainak thawng in tuah mi asi tiah Mayangone Palek Zung sin hmasabik thawngthanhnak ah hmuh asi. Hi thlacamnak puai hrambunh in zawtnak aa chawn mi minung 80 hrawng an si, culak ah Case 86 le Case 110 cu an thi.

Image may contain: one or more people, phone and close-up

Thawngṭha chimtu Saya David Lah cu Myanmar ram chuak Canada ram mi asi. Atu bantuk biaceih a ton mi kongkau he pehtlai in Ministry of Foreign Affairs cu BBC nih Email in thawng hal asi nain Email kan hmuh timi kong lawng leh asi i a dang Saya David Lah he pehtlai in an chim mi aum rih lo tiah theih asi. BBC (CCN Channel)

Leave a Reply