Thawngpangchia tampi a um lioah atubantukin thawngpang ṭha taktak kan theih. Atu lio vawleipi khupthal a lettu China ram, Wuhan khuapi in a chuakmi Covid-19 nih mi tampi nunnak a lak i vawleipi cu ngaihchia lungrethei in a um lioah atu bantukin kan miphun chungin Covid-19 in a rak zaw vemi Ngunte Linda cu Pathian thawngin damnak a hun hmuh ṭhan ti thawng kan theih cu lung a hmui hringhran.

Hi pulrai zawtnak hi atu tiangah kherhhlainak a tuahtu thiamsang hna nih zeitindah a chuahning a si ti an kherhhlai len nain thil sining fiangfai an hmu rih kho lo. Cun, a damhnak sii-ai zong an hmu kho rih lo. Cu caah ralrin ngaingai kan herh cio hna.

A damnak sii-ai a um lo tikah cun zeiti i pi i thlopbul len awk a ṭhami thil a si lo caah i ralring cio hna usih. Cun kan far, u nu damnak a hmuh ṭhanmi Ngunte Linda zong damnak tlamtling ahmuhmi cungah kan lawmhpi ve i thlacamnak in bawm cio hna usih.

Amah Ngunte Linda nih a ṭialmi cu “Covid 19 ,zawt nak hi Thih zong afawi te i/ Dam zong afawi mi zawt pei arak asi hi. Corona Virus zawt nak in dam nak ka hmuh than caah Bawi Pa ka lawm tuk. thazang thawn nak tu ka pe chin ko ka Bawi Pa le ka Pa Thian,” tiah a ṭial.