Hi thawngpang hi kamkhat leiin cun thawngpang tha ngaingai a si.Kalaymyo Senpi sizungah Covid-19 a ngei tiah lunghrinh ruangah kharkhumh/hrenmi hna minung (9) cu nizaan April ni (2) chun ah dihlak in Covid-19 zawtnak hrik ahohmanh an ngei lo tiah theih a si. Kalaymyo ihkhun (300) sizung pi ah Covid-19 zawtnak an hmuh lo caah an dihlak in chuahter an si.

Cu hna lakah minung pakhat cu zawtnak dang ruangah a pum a ah/thlai i a hma a dam rih lo ruangah sizungah an thlopbul cuahmah lio a si tiah theih a si fawn. Minung (9) chungah Tedim i Covid-19 a ngeimi pa a um ṭimi hna minung pahnih zong zawtnak hrik an ngeih le ngeih lo an check tik hna ah an ngei lo ti a si.  Ni (14) chung thlopbul check dingin an chiahmi hna minung i an khua min hna cu Pinkhunglay khuami, Letpanchaung khuami, Hmunlai khuami, Thaya kung khuami, Tat Oo Thida veng khuami, Tonzang peng Zonuam sang khuami, Chan thagyi khuami, Thanzin seng number (2) in minung pahnih hihi an hrenhmi hna an khua min cu a si. Chirhchan: Cirhti

Biakilh: Atulio zawtnak a karh cuahmah lio a si i aho cio poh i ralring hna usih. Amak ngaimi cu hibantukin thawngpang chia a um lioah Kawlram ah khual an tam ngaingai tiah theih asi. An langhterning ahcun Kawlram ah hin khual tlawngmi hi 500 hrawnghrang um dawh a si. Cucaah Chinmi zong kan iralrin ngaingai aherh cang.