Thawngpang ṭha: CNF/A nih Mizoram Cozah sinah nawlnak a tuah cang

Chin News

Myanmar ralkaap nih nawlngeihnak an lak hnuah Chin ralkaap CNF nih thil pakhat khat a tlung khomi a si ti thei in Mizoram cozah sinah an chungkhar hna an i dor i an um khawhnak hnga nizaan February 10 ah nawlnak an tuah hna tiah anmah hmurka in theih a si. Cucu ralrinnak caah a si tiah CNF leiin theih a si.

Image result for Salai Htet Ni

Hi kong he pehtlaiin CNF leiin Salai Htet Ni nih cun,“Thil pakhatkhat a tlun tikah, chungkhar dawng 40,50 hrawng cu Mizoram ah um khawhnak ding caah kan halmi a si. Ralkaap nih nawlngeihnak an lak hnuah ralrinnak caah kan tuahmi a si.

Image result for CNF ralkap

“Pakhatkhat thil cang sual sehlaw kan chungkhar hna nih an tuar ve lonak hnga caah kan itimhmi a si. Cu hlei ah kan ram a buai tuk caah mipi cheukhat zong Mizoram leiah zaam kho dirhmun ah an um i cu bantuk caah timtuahnak kan ngeihmi a si.

Image result for CNF ralkap

“Hi bantuk thil hi cu hramtlai phu pakhat caah tuah ding hrimhrim dingmi thil a si i kahdohnak a um lai maw timi hi cu NCA remsernak bangin kaphnih pehtlaihnak ah a ngatmi a si,”tiah Salai Htet Ni nih cun a chim. Source: Vapualauaw (KB)

Breaking News: State Administrative Council chungtel ah Pu Ngun San Aung aa tel. Ralkap nih mizapi thimmi Myanmar ram Cozah uknak an hramhram in an laak hnu Cozah thar an ser mi State Administration chung ah 2010-2015 USDP cozah chan ah Sakremhnak Minister a rak tuan balmi Pu Ngun Sang Aung cu rian an khinh i amah lei zong nih a cohlan ko tiah theih a si.

Pu Ngun San Aung nih, “Ruah lo piin rian an vun ka khinh ve tik ah ka lau ngai ko. Ram le miphun ca ah a si khawh chung in riantuan timi hi kaa timh ca ah ka cohlan ve. Ka miphun hawi ca ah a tha bik in tuan kaa zuam lai,” tiah The Hakha Post ah a chim.

Tuzaan 2021 February 11 i ralkap nih an thanh ning ah Chin State Administrative Council member chungtel an thanh mi chung ah Hakha in Pu Ngun San Aung le Tedim in Pu Gu Suan Khai hna an i tel. Pu Gu Suan Khai hi a hramthok ahcun a cohlang hna lo nain atu cu a cohlan than cang hna tiah kan theih. Source: The Hakha Post

____

Copyright © Chin World News Evening

Leave a Reply