Novel Coronavirus Thlawpnak Ah A Tha Bikmi Sii Cu Hydroxychloroquine A Si. Vawlei mithiam hna nih coronavirus thahnak caah zei dah a ttha bik lai tiin chunzaan donglo in an tuaktaan hnu ah a tthabik an timi cu an chuahpi cang. Anti-malaria drug hydroxychloroquine timi sii cu coronavirus thlawpnak caah a tu tiang ah cun a tthabik a si tiah an chim. Hihi vawleicung international doctor minung 6000 renglo hna nih an chimmi a si.

Vawleicung ram 30 in sii lei mithiam minung 6200 hna nih an chimmi cu hi raifanh sii hydroxychloroquine hi a tu tiang ah cun COVID-19 timi novel coronavirus thahnak le hi zawtnak in a zawmi hna thlawpnak ah cun a tthabik a si ko tiah an chim. A sinain khatlei kam in World Health Organization (WHO) pawl tu nih cun an chimmi hi a fiangmi tehte a um rih lo. Zei bantuk sii manh hi virus le zawtnak hi a kham khawh i a damh khawh taktak timi tehte a um lo tiah an chim ve.

Hi bantuk in hi covonavirus zawtnak hi a ziik a phanh chin lengmang tik ah vawlei mifim le ram lianngan pawl an awlok a chong ngaingai ko cang. Europe, US le China hna nih cun hi COVID-19 thlawpnak le damhnak sii hi a siam kho paoh nih siam le ser khawh i zuam u tiah mipi sin ah sii serchuahnak nawl an peek cang hna.

A sinain UK tu nih cun mizei paoh nih hi hydroxychloroquine hi hman ding an thloh hna. Sii zuartu hna le a hmangtu hna nih a herhmi an tlamtlinh hnu lawng ah hman ding tiah an chim. UK pumpaak siidawr (private clinics) zatuak 13 ah rian ttuantu hna nih cun chloroquine hi coronavirus a ngeimi zohkhenhnak ah kan hman bikmi a si tiah an chim.

Iraly doctor zatuak 53 hna nih cun hi hydroxychloroquine hi coronavirus thahnak ah kan hman bikmi cu a si ko tiah an chim. China ah cun zatuak minung 44 nih kan hman tiah an chim ve. Hi International poll hna nih hin COVID-19 in a zawmi thlawpnak caah sii dangdang hna hi an ttha lo timi cu an chim chih ve hlei lo. Ref: Dailymai