Thawngpang Ṭha Asi: Italy Ah Cun Coronavirus In A Thimi An Tlawm Chin Lengmang Cang

Thawngpang

Coronavirus kong chim paoh ah nifatin in zawtnak a karh zat le a thimi an tam ching lengmang ning lawngte thanh a si tawn. A sinain tutan ah cun hi zawtnak ruang ah a thimi an tlawm chin lengmang tiah thanh a si. Tuchun 19 April ah ABC News nih an thanhning in Italy ah cun coronavirus in a thimi hi kan hnu thla nak in an zor deuh ngaingai. Nikhat ah minung a thimi hi 500 in a tanglei ah an tla cang tiah an thanh.

Italy's coronavirus death toll surges as Lombardy seeks tougher curbs

Hi thawng an thanh hlan suimilam 24 chung ah minung 482 lawng Itlay ramchung dihlak ah an si cang tiah Civil Protection Agency nih an chim. An chim chih rihmi cu kan hnu thla March 19 in nihin tiang ah a tu hi nikhat chung ah a thimi minung 500 tang an si caan a si tiah an chim chih. Italy ramchung ah hi zawtnak a ngeimi vialte hi minung 175,925 an tling cang. Hi chung ah hin minung 23,227 nih an thihpi cang i minung 3,491 hi hmuhchuah tharmi an si tiah an chim chih.

Italy: Coronavirus outbreak: Italy reports first death from Covid ...

Tuchun ni tiang ah hi zawtnak hi vawlei pumpi ah minung 2.2 million renglo nih an ngeih cang. Cu chung ah coronavirus ruang i mual a liam cangmi hna hi minung 154,000 renglo an si cang tiah Johns Hopkins University Center for Systems Science and Engineering hna nih an thanh. A ngaingai tiah cun hi kan langh termi nak hin an tam deuh lai tiah kan zumh tiah an chim chih.

Italy hit by 368 new coronavirus deaths, hospitals in crisis ...

A tu tiang ah cun vawleipi huap in US ram hi coronavirus a tam biknak hmun a si. Cu chung zong ah cun New York City hi a zual biknak hmun a si fawn rih. Unites States chung lawng bak ah hi zawtnak a ngeimi hi minung 715,000 renglo an si lai ti a si. Cu hi zawtnak ruang ah mual a liam cangmi hna hi minung 37,625 an si cang lai tiah ruah a si. Ref: ABC News

Leave a Reply