Biahalnak Lehnak (Facebook in biahaltu hna caah – Hmailei zong ah biahalnak a um than sual ah) Biahalnak ka ton lengmangmi: CNLD nih Chin State ah acozah ser kho hna sehlaw zeidah an tlaih khawhmi Post a si lai? Bialehnak: A tlang lei bantuk hi de facto in si lo in de jure phung ning tein an tlaih khawhnak lam a um. Cu hna cu:

(1) Chin State Hluttaw Speaker le Chin State Hluttaw Deputy Speaker kha CNLD nih an tlaih khawh lai. Tahchunhnak aha tu hi Shan Hluttaw Speaker le Deputy Speaker hna cu USDP an si. Rakhine State Hluttaw ah Speaker le Deputy Speaker hna cu ANP an si ve. (2) Chin State Hluttaw Affairs Committees ah hruaitu lubik le secretaries hna kha CNLD nih an duhmi minung an tlaih ter khawh hna. (3) Chin State Government lubik Chief Minister kha Hluttaw hnatlaknak a hauh caah CNLD nih a duhmi CM an thim khawh lai.

(4) Chin State Government Ministers dihlak kha CNLD nih an duhmi, an lung a tlingmi an tlaihter khawh hna lai. (Shan le Rakhine ah Hluttaw nih Ministry of Immigration and Human Resources vunci an ngei lo. Adang State le Region dihlak nih an ngeih dih. Shan ah USDP nih teinak tam bik, Rakhine ah ANP nih tam bik thutdan an hmuh caah hi ministry cu a herh lo an ti caah Pyidaungsuh nih a chuahpi mi cu a nung lo. An thah. (5) Chin State Government Upadichok kha CNLD nih an duhmi, lungtlinnak an ngeihmi an thim, an thut ter khawh lai. (6) Chin State Government Sazinsitchok kha CNLD nih an duhmi an thut ter khawh lai.

(7) Hluttaw le Acozah karlak ah pehtlaihnak a thatnak ding lam a tam pi caah Acozah nih achuahpi mi Budget Estimate, Revised Budget hna kha Pyidaungsuh ah tluang tein a kal kho lai. (8) Tender ruangah Budget a hleimi siseh, riantuan ding an ti nain an tuan lomi kongah Budget a hleimi siseh, Acozah nih a herhnak ah tluang tein a hman khawh lai.

Acunglei hi de jure phungphai ning tein a si kho dingmi tialmi a si. Rakhine ah ANP siseh Shan ah USDP nih siseh, 2015 thimnak ah tam bik thutdan an rak co nain zeiruangah dah Chief Minister hi anmah duhmi te an rak i thim khawh lo timi zon ah biahalnak tete a um kho. Hi kong tu cu nan theih cio bang, President a hna a tlak ve a herh caah caan nih bia chim te ko seh. Biahalnak a um pah lengmang caah ka rak tialmi a si. Comment a um sual ahcun kan let lem hna lai lo. Cu vial in. Kaa lawm. Credit: Thawng Za Pum