Thawng Tha Taktak. Ralhrang Nih Khampat Khua Hngakchia 35 Phaw (human shield) Caah An Tlaihmi Hna Mipi Ralkap Nih An Chanh Khawh Cang Hna

Chin News

Thawngpang ttha. Khampat khuapi ah SAC Ralhrang nih Phaw (human shield) caah an tlaihhren mi hna Ngaktak minung (35) cu Mipi Ralkap nih an chanchuah khawh cang hna..

Khampat, Ngaktah Sianginn um mi Ngakchia minung (35) le Riantuantu minung (4) hna cu SAC Ralhrang nih an tlaih hna i Phaw (human shield) caah an hman hna, cu SAC ralhrang nih an tlaihhren mi hna cu Mipi Ralkap lei nih December 11 zaanlei ah khan an chanchuah khawh cang hna tiah MPA nih a tarlangh. By Salai Cung

Thawngpang dang: Ralkap Council chungtel pawl telh in ralkap Council hruaitu ngan minung 4 le hriam puaisa Company 2 hna cu EU nih phihkharnak an tuah hna tiah EU nih December 11 ah a thanh.

EU nih phihkharnak a tuah mi hna cu ralkap Council chungtel 3 a thi mi Lt. General Nyo Saw, Wanna Maung Lwin, Dr. Hmuh Thang le Karenni ram chung vanlawng kahdohnak ah ṭuanvo ngei bik a si mi Eastern Command Commander General Hla Moe hna an si.

EU nih phihkharnak a tuah mi Company pawl cu ralkap Council caah tangka a kawl piak i hriam le kahdohnak thilri pawl puaisa a tuah mi Star Sapphire Group of Companies le Royal Shune Lei Company Limited hna an si. EU nih phihkharnak a tuah mi minung le Company pawl nih an ngeih mi cu chikhat fim piak an si lai i cu minung le phu pawl nih an hmuh mi miaknak le an sipuazi hrampi cu phih piak a si lai leng ah Europe ramchung khualtlawnnak nawl phih a si fawn lai.

EU nih ralkap Council cung ah hi nak fak in phihkharnak tuah ding a um rih i hriam le kahdohnak thilri phorhnak, mipi hremnak caah an hman mi thilri pawl le ralkap pawl hman mi thilri phorhnak nawl zong phih a si tiah an thanh.

Leave a Reply