Chinmi hla leiah kan tthangcho chin lengmang cang. Hlasakthiam ka ngaihmi cheukhat cu nupi pasal a ngeih cun an hlathar ngaih awk a har cang zeiruang ah dah a si hnga ti ruah awk a um ngaingai. A hlan bangin hlathar an ngei ti lo. Cu lio ah kan Chin chungin Mino nih tete nih hla tthattha le hla dawhdawh a vun kan sakpiak thluahmah cang.

Tutan zongah India ram khualipi New Delhi ah khuasa mi nu Esther Ni Sui Par nih hla dawh, hla ttha taktak mi “Thawngṭha Ee Par Seh” timi hla a vun kan sakpiak. Ngakchiate a si ko nain a aw rau ttha i, a aw ngaih a nuam tuk hringhran. A thiam taktak. Hiti bantuk in kan fale nih hlasak duhnak an ngeih tikah hin nu le pa nih thazaang pe cio hna usih! Fale nih an thiammi te ahhin kan lung pek khawh le kan caan pek khawh zuam hram hna usih! Tutan i a satu hi a thiam ngaingai. Hmailei a lamthluan ah Bawipa nih a sunparnak caah hmang chin lengmang ko seh!