Thawgpang Ṭha: A rianrannak in rak tuah colh ve

Chin News

Baci Burmese-American US nih thawngpang tha taktak an kan thanh, hi an thil tuahmi tlam a tling khawhnak hnga a rannak in a taang lei Survey an tuah mi hi rak phi ve colh. Donald Trump term chungah nupi pasal, chungkhar unau, nulepa auh a phih dih. Asinain atu ah cun a rannak in kutka aa hun khawhnak hnga an i zuam cuahmah cang.

Donald Trump openly floats idea of 2024 White House run- The New Indian Express

Hi kong he pehtlai in Baci Burmese-American US nih “U.S. Immigrant Visa cu arannak in Kawlrammi caah hun than asi khawhnak ding caah U.S. Congress sinah kan nawl cang. Atu Administration thar sin zong ah kan phan pi colh lai. Na chungkhar, na nupi, pasal, fale USA au ding maw na ngei maw, asiloah, Kawlram, Chinram lei ah Nupi thit maw naa tim maw, Immigrant Visa pitmi nih hin na caah harnak an pek, tiah na ruah ahcun hika survey tawi hi na rak phih ve nak lai kan i sawm hna. Aphih ciahmi nan zate nan cungah tampi kan i lawm” tiah an langhter.

US khuasa Chin mi nih khua lei kan chungkhar, unau, nulepa, nupi pasal kan auh khawh hnanak dingah a biapi taktakmi asi. Cu caah hi an rianttuannak hi thazaang pe hna usih law Survey phih ding in an kan fial mi zong hi a rannak in tuah cio hna uhsih. LINK timi hi rak hmet law Survey phih nak a um lai

Hmuhning-Cozah thar ah ahodah Chief Minister le Hluttaw Speaker a si lai?

Image may contain: 1 person, indoor

By: Salai KB Thawng
Ka tlangtar hi biahalnak in ka thok bantuk in biachattu ka si lo. “Ruahdamh” sawhsawh a si i prophet zong ka si lo. Ramkheel thlihran ka bih khawh mual in ka hun thai mi a si. Cucaah, a dik lo sual tik ah ka tial mi aa palh tik ah, “Naa palh,” ti khawh a si lai lo.

Chief Minister ahodah a si kho?

Chief Minister hi cu hlan ahcun Pyidaungsu in tuanvo ngeitu nih an thim tawn hna. Tutan belte, Ramkulh siseh, Ramthen siseh, Chief Minister pohpoh Daw Aung San Suu Kyi nih a thim hna lai, ti a si. Atulio Chief Minister Salai Lian Luai hi minchiatnak ngaingai a ngei lo. Cun, hmuhton a ngei cang mi a si tik ah cheukhat nih cun Chief Minister a si rih ko lai, tiah an zumh.

Strength Of The Nation Lies Within - GNLM

Asinain, kei nih cun atulio Chin Ramkulh Cozah Chimphuannak Nawlngeitu Sipin le Electric Minister Pu Soe Htet hi ka zumh bik i aa tlak bik, tiah ka ruah fawn. Zeicahtiah, ralbawi rank sang zong a rak tuan i NLD ah direct in a luut than mi a si. Kanmah media nih thim lebang usihlaw, “Soe Htet,” tiah voi tampi au in mee kan pek ko hnga.

2020 thimnak kaa tel i teinak ka hmuh ahcun rian an kan pek mi poh tlamtling tein tuan kaa zuam lai: Minister Pu Soe Htet - The Hakha Post

Minister dang nih an tluklonak cu, media he zalong tein aa pehtlai kho mi a si. Cheukhat Hluttaw Palai le Ministers cu an riantuannak kan hal kho hna lo. Media cu Cozah le mizapi kar pehtlaihtertu hlei pakhat a si bantuk in media sin ah an riantuannak le an dirhmun a chim ngam lo mi Minister le riantuantu cu zumh an si lo. Zumh awktlak zong an si fawn lo. Kawl holh in, “Vuanci” kan ti mi cu thilrit taktak a phurtu kha chim duh mi a si. Cheukhat cu amah thilrit lawng an phurh i mizapi ca ah thilrit an phur tuk lo ti khawh a si.

Na Kan Dohkalh Peng Cun Chinram Hi Rampi Ah A Thangcho Lo Bik A Si Peng Lai; Minister U Soe Htet - THE CHINLAND POST

Pu Soe Htet cu, a nunnem, ahopoh he bia aa ruah kho. Thilrit aa khinh mi tlam a tlinh. Biachim holhrel zong ah atulio kan Minister hna lak ah amak bik a si. Amah hi Salai Isaac Khen rian changtu a si i kum 2 le cheu lawng a tuan manh nain a rian a tlamtlinh i Chimphuannak Nawlngeitu sinak zong an pek mi a si. Daw Aung San Suu Kyi nih a thim lai, ti a si ca ah ahodah a thim lai cu kan fiang lo nain kei Chief Minister ca ah Pu Soe Htet ka zumh bik.

Ahodah Hluttaw Speaker a si kho?

Atulio Hluttaw Speaker a tuan lio mi Pu Zo Bawi cu thimnak ah aa cuh ti lo i midang pakhatkhat nih an tlaih cang lai, ti cu a fiang. Cucaah, kei ka zumh ning ahcun atulio Chin Ramkulh Cozah Upadi lutlai (Advocate General) Pu Sonny Thang Cung hi ka zumh bik. Amah belte, atulio Chief Minister Salai Lian Luai tu hna hi Chief Minister pakhat dirhmun in Minister le Hluttaw sawhsawh cu an pe lo kho men ve.

Hodah Chin State Chief Minister A Si Lai - LAIHOLH NEWS

Aruang cu Hluttaw Speaker cu Law (upadi) a thiam mi a si a hauh ca ah Salai Lian Luai zong cu law (upadi) lei minung a si ve. U Sonny Thang Cung zong cu thiamthiam a si. Chief Minister in direct pi in Hluttaw Palai le Minister sawhsawh ah rian pek hi an i harh kho men. Asinain, tlak ti ahcun Pu Sonny Thang Cung aa tlak bik mi a si.

Congratulations: Pu Sonny Thang Cung nih Hakha Pyine Hluttaw No. 1 MP a Ngah | THE CHIN EXPRESS

Amah belte, biahleichap ka duh. Ahoho kan chuah le kan tlin zong ah, “Kei cu mizapi nih mee peknak thawng in hi dirhmun ah ka dir,” ti hi philh hna hlah usih! Kanmah ca nakin mizapi ca ah rian a tuan ding mi kan si ti hi kan philhlo a herh. Hluttaw Palai si, Minister si, Hluttaw Speaker le Chief Minister si bu in kan i rumnak sual ahcun cucu kan lih le hrokhrawl in rian kan tuan tinak a si lai. Zeicahtiah, kan thlahlawh (lahkhah) men in rum, ti mi cu a si kho lo tuk mi a si.

Hakha Peng Pyine Hlutraw No.1 In Pu Sonny Thang Cung Nih Teinak A Hmuh Cang - LAIHOLH NEWS

Ka bia ka fun lai. Cozah thar cu Hluttaw hi February ah fehter a si lai i Cozah thar zong March thla chung thiamthiam ah an kai ve lai. Tutan Cozah thar Chief Minister ding ah ka zumh bik mi cu Pu Soe Htet le Hluttaw Speaker le Deputy Speaker ah Pu Sonny Thang Cung le Salai Lian Luai ka zumh bik hna. Biatang kaa danh bantuk in hihi a dik hrimhrim lai, a si hrimhrim lai, tinak a si lo. Source: The Hakha Times

___

Copyright © Chin World News Evening

Leave a Reply