Thantlang khuasa. No. 3 block um Thantlang ATEO hlun Pu Ngun Er cu Thantlang NLD party nih mipi thimlo bak siipin comittee ah direct in tuanvo pek mi kan pa pakhat asi.

Asinain tutan kan buai le ralkap nih ruru hranghrang in uk nak an lak tikah Thantlang GAD zungah ATO atuan lio mi afanu Pi Sui chin Par le Thantlang TEO zungah atuan mi afanu Pi Tin Aye Myint cu CDM in zungkai loin an um nain an pa nih hramhram in zung akai ter than hna.

Cu lawng siloin atu lio ralkap hruaimi hmun pakhatkhat aduh ve caah Dr. Hmuh Thang te inn ah a lut chuak ngai tiah theih asi. Cu pinah ramdang um afa le nih Thantlang CDM caah tangka kuat kan duh anti hna le kuat an hau lo nan unau hna zong zung ankai ko cang an duh kai cio ko hna seh anti hna anti.

Thantlang ah upa kan ngeih mi hna nih papalak lungthin an ken hi cu apoi ngai ko tiah an mah he ai neihniam mi sin in kan theih hi cu lungnuam lo ngai asi ko.

Note: Hi thawngpang hi thantlang lei nih an kan peekmi thawngpang a cang taktakmi a si.

Relchih: Dr. NCL cu Kawl Ralkap ruahnak petu (advisor) ah aa tel ruangah ti-in US rammi (citizenship) asi nak cu laak/hlonh (strip) piak dingin nawlnak (petition) an tuahmi social media chungah ka hmuh len. Cucu asi kho lomi thil asi. Kawl Ralkap a bawmh hna ti ruang men ahcun US citizenship sinak chuh tthan (denaturalize) tuah a ngah lo. Tuah phung zong asi lo. A lam zong a um lo.

Naturalized USC asi cangmi minung pakhat kha US citizenship chuhnak dingah an zohmi thil tete a um len ko. Asinain hi ka zawn ah Dr. NCL konghe pehtlaiin zoh a herhmi thil pakhat cu tulio Kawl Ralkap “Myanmar Military” hi US cozah nih ramdang ralhraang buu “foreign terrorist organization” ah chiahmi “designate” a tuahmi asi maw ti kha kan ruah a hau. Kawl Ralkap cu “ralhraang” cazin ah US nih a chiahmi asi lo. Note: Mah ka ttialmi hi a hoho va ttanh le ttanh lo a um lo. Kawl Ralkap a bawmh hna ti ruangah US citizenship chuh khawh asi maw, timi vun langhter sawhmi asi. Credit: Van N Elizabeth

Relchih: CCBC nih CDM caah $20000 kuat an timh. Chin ram chung um CDM tuahmi hna caah tiin Carson Chin Baptist Church, Milwaukee USA nih avoi (1) nak caah Dollar $20000 (thong kul) bawmh ding in bia khiahnak tuah tiah theih asi. Culawng silo in chungtel hna inn khat ah $100 in thawhvo tuk asi chih caah dihlak ah $30000 leng an kuat khawh te lai tiah zumh asi.

Hi bawmhnak hi avoi (1)nak ca lawng asi rih. CDM a um chung paoh CCBC le Chungtel hna nih a dong tiang a herh ning in kan peh zulh peng lai tiah an Senior Pastor Ronald Charles Nunuk nih a FB ah a langter. A chim chih mi cu “cucaah kan ram CDM tuahmi hna nan tha chia hrimhrim hlah uh. Nan tuah chung paoh bawmhnak kan tuah ve lai. USA Chin Khrihfabu le mipi hna nih a dih dongh tiang kan in dir kamh hna lai.” tiah a langter chih. Ref: CCN

______

Copyright © Chin World News Evening