Thantlang sizung ah Ngaphaite Khuami Pu Bawi Veng(Pu Bievai) a nunnak a liam. Thantlang peng Ngaphaite khuami Pu Bawi Veng (Pu Bievai) cu, rilfonghlei Operation tuah nakah Tho 17 chun sml12:00 PM ah a nunnak a liam tiah thawng thei asi.

A mah hi, operation tuah nakah hih-sii(meh sii) tamtuk an pek hleiah, operation khan in an chuahpi tlawmpal ah angan afah tuk i, nurse pawl an chimh hna i hibantuk cu a si tawnmi a si ko tiah zeirel huaha loin an um ruangah le mizaw zohkhenhnak ah an daithlang deuh ruangah asi tiah amah a umpitu (ahngaktupa) Ngaphaite khuami nih a chim.

Pu Bawi Veng(Pu Bievai) hi, kum 38 a upa asi i, fa 4 angeimi asi. Operation atuahtu Dr Lyly nih cun, “Meh-sii hi midang hawizat tlukin kan pek ve ko i, athisa nih a chei lo ruangah asi lai,tiah achim. Thantlang Hospital in mah bantuk daithlang le mizaw tha tein zohkhenh lo ruangah minung pazeizat dat an nunnak a liam cang ti ruah ahhin lung a fak hringhran ko.-The Ngephesizo post

Hi kong he pehtlai in, Ngaphaite mino MTP & MSA nih ngaihchiatnak le lungtlin lonak (lungṭhat lonak) cathanh an chuah hi a si.

Kum 2020, Tho 17 ah, Chin ramkulh Thantlang peng, Ngaphaite khuami Pu Bawi Vung (Pu Bivaih) cu Thantlang sizung ah mual a kan liam taak. Hi kong he pehtlai in, Ngaphaite khuami sinak in kan ngaihchiatnak le kan lungṭhat lonak chungkhar sinah kan von langhter duh. Cun, Ngaphaite khua mino hna nih atu bantukin kum 2020, Tho 20 ah cathanh kan chuah hi a si.

1. Kum 2020, Tho 12 ahkhan Pu Bawi Vung cu a khua Ngaphaite-B in Cycle in Thantlang sizung ah i piah dingin a kal. Thantlang ah ummi Pu Van Hre inn a va ṭhum. Tlecia Pu Bawi Vung cu rilfonghlei in a zawmi a si i, Operation tuah dingin a tu bantukin Thantlang ah a kal hi a si.

2. Cun, Tho 17 zaanlei ah Operation tuah ding ti a si caah Tho 16 zaan ah a hlankan tein sizung ah a va riak.

3. Tho 17 zing suimilam 10:00 AM ah ṭuanvo ngeitu Sibawi te le sizung nawlngeitu hna nih sizung ah an auh. Cun, Suimilam hnu (11 Am) hrawngah voikhat an auh ṭhan i Pu Bawi Vung cu a tha thir dih cang.

4. Damlo Pu Bawi Vung cu Operation khan chungah an auh ṭhan i ihkhun cungah kan khing lai an vun ti ah ṭuanvo ngeitu hna daithlan ruangah (santlaih lo) ruangah ihkhun cung cun an thlak. Cucu mizaw a zohkhenhtu pakhat nih a hmuh. Cuticun a si caah cucu (Civil Service Law? ိင်င့ံ၀န်ထမ်းနည်းဥပေဒ၊ ပဒ်မ -၁၆၂(က) zulhphung an tlamtlinh lo le an zulh lo caah a si. Cu nih a langhtermi cu Doctor nih a rian a tlamtlinh lo le a rianṭuanmi cungah daithlanhnak a ngei timi fawi tein theih khawh a si.

5.Operation an tuah dih hnu zongah Operation atuahtu siibawi pa nih mizaw a tha thirhmi ahmuh ko nain a zohkhenh lo. Cun a voihnihnak zongah mizaw zohkhentu nih Doctor pa (operation tuahtu) a va auh ṭhan ahcun, siizung in a chuah cang ti a theih. Hibantukin a tuahto hna caah ိင်င့ံ၀န်ထမ်းနည်းဥပေဒ၊အခန်း (၁၅)၊ပဒ်မ-၁၆၁(ခ)nih ngeihmi zulhphung a tlinh ṭhan lo. Cun, a ruang um loin a rian ṭin caan nak tuan deuh ah a ṭin caah zulhphung ning loin caan a hmang.

6. Cun, kum 2008 nih a sermi zulhphung pohmah-353 a pekmi tlamtlinh lo ruangah rammi minung hna an nunnak liamter le daithlan tuk in rianṭuan ruangah hibantuk tiang lungfak tuk in minung nunnak kan sung hi asi.

7. Doctor biakamhnak- Kei mizaw ka minung kip an ngandamnak an thinlung damnak hi a biapi tuk ah ka chiah lai timi biakamnak a tuahmi cu, mizaw Pu Bawi Vung cungah an tuahsernak nih cunglei zulhphung an tlamtlinhlonak le an zulh lonak vialte alangh ter dih.

Thantlang sizung nih hmailei ah hibantuk thil a can sual tinak hnga lo Ngaphaite khua mino hna nih ralrinnak kan in pek hna.-The Ngephesizô Post