Chin State Thantlang- Chin ramkulh Thantlang khuapi, No (1) sang i sizung lam ah mipi nih September 20 zaan sml 11:30pm hrawng ah thil puakmi (bomb) an theih an theih. Cu thil puakmi thawng an theih cang ka cun ṭuan ngeitu sinah thawngthanhnak an tuah i ṭuanvo ngeitu hna nih an va tlik hnawh colh.

Bomb a puakmi cu Thantlang khuapi, No (1) sang i sizung lam ah a ummi U Kyaw Min Htet a umnak inn ah a si tiah theih a si. Thil a puah thawng mipi nih an theih i ṭuanvo ngeitu nih an va zoh tikah ahcun bomb puakmi a rak si.

Thantlang Bomb puah thawng cu mipi nih an theih i ṭuanvo ngeiu sinah an chimh tikah ṭuanvo ngeitu paelek pawl cu U Kyaw Min Htet a inn ahcun an va kal i thil sining an va zoh tikah kut serchawmmi (Zenthong in sermi) bomb a si.

Cun, Palek pawl nih U Kyaw Min Htet innchung cu an thlawk i a innchung ah NEOGEL ( ammunition )SOD Special Orinary Detonator le thildang a puak khomi thilri tampi an hmuh i a thilri he amah he an tlaih.

U Kyaw Min Htet cu mipi thinphang in a tuah hna ruangah le cozah nawl loin puak thil a tuah ruangah upadi pukmah 5 hmangin case tuah piak a si. Cun, zeiruangah hi bomb a puak khomi pawl hi a ser hna ti langhter a si lo-Vapual Auaw ( TT )