Thantlang Peng Nih Teitu Party Peng Ah Vote An Thlak Khawh Ahcun Thantlang Peng Aiawh MP Nih Thantlang Peng Caah Rian Tam Deuh Aa Ṭuan Khawh Lai

Chin News

Politics hi “game” ikah he aa khat ngai ve. Teitu Party leiah taang/ vote loin sunghmi party leiah vote kan pek sual peng ahcun, car-nak a si. Than Tlang Peng caahhin Chin State Cozah ah MP thutnak 2 kan ngei i, Union ah Thutnak 2 kan ngei. Union MP le State Cozah MP hi an ikhat lo. Union le State hi hmun khat ah election kan tuah ruang ahhin a cheu caahcun cawhhrup sual a fawite. (A dangdang in election um sehlaw a tha ngai hnga ka ti.)

Than Tlang Peng nihhin teitu Party Peng ah vote an thlak khawh ahcun, Thang Tlang Peng aiawh MP nih Than Tlang Peng caah rian tam deuh aa tuan khawh lai. A sungmi Party lei ah an vote ahcun, an thimmi MP cu opposition lei ah an thu lai caah, Than Tlang Peng caah rian a ttuan kho lai lo caah, Thang Tlang Peng a car deuh lai. Mahhi Democracy ram ah politics umtuning cu a si.

Than Tlang nihhin teitu dirhmun ah dir peng kan duh ahcun, Union MP 2 kan ngeih chunh te hi, Union ah Cozah a tlaitu lei ah tthutter khawh izuam peng a ttha i, Chin State Cozah ah MP 2 kan ngeihmi te zong hi Chin State Cozah a tlaitu thutnak leiah thutter peng ve ahcun, cucu teinak nganbik a si lai.

2010 election lio ahkhan, Thantlang nih Chin State he, Union he teitu lei ah vote loin opposition lei ah kan MP kan tthutter hna caah, Thang Tlang cu kan rak sungh ngaingai. 2015 election a ra tthan i, Union ah Teitu lei ah MP pahnih kan tthutter hna i, Chin State ah opposition lei ah 2 kan tthutter hna. 50/50 khan in kan tla. Asinain vantthat ah Union teitu lei ah kan tthut lawng siloin, kanmah Thang Tlang peng kha, Vice President a kan ttuanter caah Lottery poh bantuk kan si.

Cucaah, Politics cu games celh he aa lo pah. Falam nih ahodah an vote lai? Tedim le Tonzaang nih a hi dah an vote ve lai? Mindat, Matu, Kanplet lei ah ahodah an vote lai? Kanmah Thang Tlang le Hakha nih aho/Party kan vote ve ahdah Teitu lei ah kan ttthut khawh lai tbk hi rak izoh thiam ngai kan herh.Zasang Cinzah

Leave a Reply