Tutum Chin State thimnak ah Thantlang Amyotha Hluttaw in MP a cotu Vice President Pu Henry Van Ṭhio a rianṭuanning le a cawlcanghning cu zoh dawh taktak a si. Zohchun awk tlak taktak zong a si. Amah bantuk pafim kan i ngeih hi cu a sunglawi tuk hringhran.

Thantlang peng Party kip in ai cuhmi kuzale vialte cu hmunkhatte ah Vice President Pu Henry Van Ṭhio ṭhihruainak in tonbiaruahnak le thlacamnak ṭinak caan hmannak a ngei hna tiah thawng kan theih. A sunglawi tuk hringhran.

Hi kong he pehtlai in NLD thantlang nih,“Vice- President Pu Henry Van Thio hrihhawh nak in Thantlang peng ah kum 2020,Novenber (8) general election i parties kip in ai cuh mi kuzale vialte hmun khat ah bia i ruah tinak le thlacam piak nak cu LAI VILLA ah tlamtling tein kan tuah khawh. Arak chuak kho mi nan dih lak cungah kan i lawm tuk,” tiah an taar.

US thimnak kong rak rel chih: Vote kongah Dehhlennak a Um, tiin an Chimmi cu Arizona’s GOP AG nih a Hnonpiak hna i, Arizona ah Biden nih Buan Co dawh in a Chim. “Arizona ah vote dehhlen a tonnak tehte a um lo. Election a phichuak a thlengkhotu ding thil pakhat hmanh a um lo,” tiin Wednesday ah khan Arizona Attorney General Mark Brnovich (R) nih Fox Business Newwork ah a chim.

 

Zeiruahah dah cucu a biapit: Biden hi election a teitu a si ko cang, tiin buaktlaak in an chimmi cohlang lo in a khupthal thlen a duh caah, Arizona ah le amah dironh ngam lo dingin a ruahmi swing state pawl ah Trump nih tazacuainak a tuah.

Tazacuainak an tuahmi nih hin tutan election a phichuak hi a thleng kho ti lai lo nain, hi ti tazacuainak a um ruangah hin, Trump a dirkamhtu hna nih 2020 election a muisam an chiatter khawh ngaingai te lai.

Nihchuak lei a si mi state: Arizona ah hin, Election Day i minung pumpaak bak in an thlaakmi vote pawl Maricopa County nih ningcanglopiin an hnonpiak hna. Cucaah, kan chimmi tehte a um ve caah hihi cu kan phihpiak u law a tha, tiin Trump re-election campaign attorneys nih tazacuainak an tuah.

An bia ngaihpiak lo dingin election officials nih biaceihzung thawng an hei thanh hna. Zeicahtiah, tawn chommi tehte hi mipi zong nih zei a lawh, ti thei ve tuah hna seh, tiin state biaceihbawi nih Arizona Republic ah thawngthanhnak a tuah.

Zeidah a chim: Buaipimi vote hi a zate ah 200 hrawng lawng a si caah, va hnon hmanh ah khin election a phichuak hi a thleng kho ding a si hlei lo, tiah Fox Business ah Brnovich nih a chim.

“A tu ah hin, vote rel ding a tangmi hi 50,000 lawng a um cang i, Trump nih Arizona ah buan a co khawhnak dingah cun cu a taangmi lakin 65% hrawng ai tonenh khawh a hau. Cu ti a si caah, Biden nih Arizona ah buan co dawhdang a si,” tiin a chim.

“Arizona i county election official Democrat pa hi tutan ah a sung cang, a dang Republicans pawl buan an co ko cang caah, timh ciammaam tein dehhlennak a va um ko hmanh ah, a hnursuang kho taktak hna lo, tinak a si. Mipi nih an duhmi an thim, ti vial lawng chim awk a um cang,” tiin a chim.

Thil a fiangpup mi cu: Mipi nih hin Trump an vote lem lo, asinain Republicans cu an vote ngai ko hna hih, tiah Brnovich nih a chim. Source: Chelsea Bawi (Global Rawn Chin Media)