Thantlang Peng Election Commission le Ṭuanvo Ngeitu Hna Nih 2020 Thimnak Caah Timhlamhnak Meeting An Tuah

Chin News

2020 Myanmar ram thimnak ah Chin Ramkulh Thantlang Peng Election Commission hruaitu hna le ṭuanvo ngeitu hna nih July thla 14 ah 2020 thimnak a tlamtlin khawhnak ding le timhlamh chung ding a herhmi kong caihhmainak an tuah tiah thawng kan theih.

Hi meeting ah Chin Ramkulh Election Commission Chairman Pu Uk Nawl nih a telpi hna tiah theih a si. November 8 ah tuah dingmi thimnak hi a dik felmi thimnak le a zaalong mi thimnak a si khawhnak ding ah timhlamhnak a herhnak kong chimfiannak an ngeih hna.

Thantlang in thimnak a cuh dingmi hna Party EC nih a fehter mi hna an um bantuk in a fehter rih lomi le mithlen aa timhmi Party hna an um rih ti theih a si. Party nih EC nih a fehtermi hna cu cunglei Party hruaitu hna nawl chuahmi Fehternak in 2020 thimnak ah zuamanak nawl a ngeimi an si te lai.

Party Buhu nih an fehter lomi hna an um sual ahcun Party EC nih Minung an thim hnuah cunglei Party Bahu in fehternak tibantuk tuah a si lai tiah kan theih. Thantlang Peng in 2020 Thimnak ah NLD cu Party EC nih aa minung a fehter cang hna tiah Kan theih.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih Chinworldnewsevening page ah le J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Upatnak he-Admin

Leave a Reply