Thantlang Pate nih Vice President Henry Van Ṭhio kong a chimmi cu khuaruahhar ngai a si

Hmuhning

USDP/CNP Riantuannak hrawktu H. Van Ṭhio Chin ram ah Boader Trade(India le Chinram pehtlaihnak lampi) kan ngeihmi cu Rih lam le a tu ah lim rih lomi Saisihchuak lampi pahnih hi an si. Hi lam pahnih hi acozah nih theihpi mi zong a si.

Image may contain: outdoor and nature

Hi lam 2 hmanh thathi in lim rih hlan ah kan VP asi mi pu Henry Van Thio nih a mah duhning in tuah than a timh.Hi lam cu Miraang chan lam a si i 2010 in USDP le CNP chan in tuan hram rak thok a si. A hlan Miraang chan in a Kawl cozah a chanchan tiang Saisihchuak lam an timi cu a mah khua palter ding in line main a suai.Cu a suai ning cu Thantlang-Thlualam-Hriangkhan-Tikir(B)-Hmunhalh-Bungtlang in Tipi tiin a suai diam ai.

Image may contain: tree, plant, outdoor and nature

A hlan i Saisihchuak lam cu Thantlang-Thlualam-Hriangkhan-Thau-Bungtlang(B)- Tipi a rak si. A tu a tuahmi lam cu 2020-21 budget in cawh ding ah hna a tlakpi cang hna. A karlak khua a ummi Tikir (A),Sialam le Thau khua hna nih a lungfah cu Sia ruahtuar in an tuar.Thau khua ah a hlan in rak tuah ding tiah timi (boader trade sation) zong a mah khua Tikir (A) ah tuah ding in hmunhma zong a chiah cang.Cu ka i security caah Meithat motor 2, Police Station le Ambulance tibantuk zong tlamtling in a um cang.

Image may contain: sky, mountain, bridge, grass, tree, outdoor, nature and water

Culawng siloin Pyitaungsuh lam caah USDP chan ah chiahmi Hakha-Thantlang-Hnaring-Rezua- Matupi-Paletwa lam pi kong zong ah, lamding lam phei tein a kal ko dingmi cu Hmawngtlang ah UPC Head Quarter um ruangah Hmawngtlang lei ah a pial ter. Cu ruang ahcun Leitak le Hmawngtlang khua hnih buainak zong a rak chuahpi. Budget zong a tla cang i rian thok an timh ah a ngolter hna,i budget zong khirh than a si.

Chim duhmi cu hi bantuk in VP nih rian a tuan cu zapi ca riantuantu a si lo zia a lang ngaingai. A mah khua pakhat calawng ah VP tuan he khin ka lawh ter.An khua A le B kar cu meng 2 lawng ai hlat. An lam cu Van le vawlei khi a si tiah kan theih.A khua cu cement road a si i B khua cu nawncek (tikaluk) lam a si. By USDP Lover (Thantlang Pate)

Note: Hi kong hi cathlahtu lei he pehtlaihnak zeihmanh a ngei lo. Pumpak hmuhning (opinion) an ṭialmi kan thlah chinmi a si.

Leave a Reply