Thantlang Hospital ah Ngaphaite Khuami Pu Bawi Veng(Pu Bievai) thi. Thantlang peng Ngaphaite khuami Pu Bawi Veng (Pu Bievai) cu, rilfonghlei Operation tuah nakah Oct 17 tuchun 12:00 PM ah a nunnak a liam tiah thawng thei asi.

A mah hi, operation tuah nakah hit sii(meh sii) tam an pek hleiah, operation khann in an chuahpi tlawmpal ah angan afah tuk i, nurse pawl an chimah ma bantuk cu asi thiam ko tiah zeirel huaha loin an um ruangah le mizaw zohkhennak ah an daithlang deuh ruangah asi tiah amah a umpitu (ahngahtupa) Ngaphaite khuami nih a chim.

Pu Bawi Veng(Pu Bievai) hi, kum 38 a upa mi asi i, fa 4 angeimi asi. Operation atuah tu Dr Lyly nih cun, meh sii hi midang hawizat tlukin kan pek ve ko i, athisa nih acheih lo ruangah asi lai tiah achim. Thantlang Hospital in mah bantuk daithlang le mizaw tha tein zokhen lonak ruangah minung pazeizat dat an nunnak a liam cang tiah ruah ah hin lung afah hrinhran ko. Aruak hi a um nak Ngaiphaite khua ah 2:30 PM ah motor in an kalpi cang tiah thawng theih asi.-The Ngephesizo post

Pu Bawi Vung thihnak kong he pehtlai i Lawyer  (Sihni) Nelson C. VL Cung cung nih achimmi cu, “Thantlang Mino le Parties Pawl Vaibar Lotein Nan Daidap Ko Ee! BawiVung Thihnak tu hna hi biatak tein Politics ah Luhpi in Thantlang Mino, Chinmino le Parties pawl nih Aupi le buaipi ding asi. Aithupmi thleidannak zong aum khomi asi. Daithlan ruang ah maw, siloah siai le thilri tlamtling lo dek, pakhat khat cu asi hrimhrim lai.

“Mino le Parties kip nih Compensation aherh ningin hal piak ding. Cun, Kherhhlainak tuah i Thanhca aherhningin chuah ding ! Aherhmi le achambaumi COZANPI tawlrelter colhding. Zohsawh ding ansilo daithlannak he mizeirello asikho alemsual hna lai !HumanRights le Nuhrincovo a aupi le dirpimi nih cun zohsawh bak loding aherhningin tuanvo lak colhding !

Note: Kan farnu SHT lio vial i nan i tlerkhawn aṭhatzia, aṭhatuk ko, Nain Bawi Vung Thihnak tu hi adammi kan ca’h ṭihnungmile buaipi ding asi deuh! Politics zong asi i VOTE laknak zongah i hman awk ah athabikmi le Mipi nih kan herhkhuhmi zong asi,” tiah Nelson C. VL Cung

Pu Bawi Vung thihnak kong he pehtlai in a chungkhat pahnih nih a lungfahnak hitihin a chim. A chimmi cu, “Thantlang khua i tuni a thimi ka pate Pu Bawi Vung thihnak kong he pehtlai in ka lungfahnak tlawmpal ka van tial. Ka pate hi ngaphaite khua in rilfonghlei tuah dingah kan sin ah a ra. Ni 16 ah sizung ah a lut i 17 zinglei sml 10 Am operation khan in an chuahpi.

“An chuah lioah Thantlang siizung riantuanmi pahnih nih ihkhun cung i kan van khing lai an ti ahkhan tangah an thlak sual. Cu ruangah hi thil kan tonnak hi a si lai men lai tiah kan ruah. Thil sining hi fiang deuh in Thantlang sizunglei lei rianṭuantu nan sinin theih kan duh ko,” tiah a chim.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah thathnem santlaih, theihtlei ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he-Admin