Thantlang Lamzawh Lio Lunghrinh Mi Fianternak Le Ralrin Peknak

Chin News

A vui 5nak thantlang lamzawh lio lunghrinh mi kong fianternak le ralrin peknak: Thantlang zong ah ralkap uknak duhlo lamzawh nak cu vui 5 tiang kan tuah khawh i pehzulh ding in timh asi. Avui 5nak lam kan zawh lio ah ralkap lei tang in ngia thlaitu tiah lunghrinh mi hi an um, thantlang Cusuba ih kan phak hlan in kalung an hring, an nih zong hi mask an hman ve caah mizei an si ka fian hna lo caah hman ka thla hna lo.

May be an image of one or more people, people walking, people standing, road and crowd

Video ka thlak ka ka ti nain ruah lo piin memory card arak full diam,kaw lam zawh chung ka thlak mi zong save lo in a vaivuan diam. Minung 2 hna hi ka lung an,hrin caah ka kal hnawh hna i mi zei dah nan si, khoika indah nan rat kati hna i sakremhnak zung riantuan mi kan si tiah an ti ve. Ka lunghrinh mi cu lamzawh ding ara mi an, si ve ahcun lam an zawh ve ding cu asi bak nain mi ngiat phun in hnu le hmai ti bantuk in an kal.

May be an image of one or more people, people standing and outdoors

Cucah lamzawhnak kan peh zulh lai caah ralrin kan herh taktak. Local media hna zong nih thaizing thawk cun media Card le CDM catlap i put kho hna usih, aherh lo ah photo thlak le hmanthlak zong hi mipi nih tuah loin mahte in thawk lai le kan dongh lai ah i thlak ding, cun local media hna nih atha bik in kan thla hna seh, cun MRTV hi asi lo ning in thawngthanh ahmang ve cang caah aa tel ahcun kham ding.

Cun lamzawh tu hna an dawnghnak ding ah ngia thlaitu kan i chiah hna aherh ngai fawn, nihin zong kan i rinh dih hna caah lunghrinh mi hna an kong lam zong tlingte in kan lak khawh lo hi asi. Lamzawh lio ah khual chuak lut le dawr hngak kan i cawh tuk caah misual pawl hi athleidan an har, cu caah lam zawh nak ah mipi rak i tel dih uh, dawr khar dih uh, lam zawh kho, lo mi na si ahcun inn chung ah kan um piak, lamzawhtu hna le tuanvo ngeitu hna lawng hi zalong tein cawl usih law mi sual an um zong ah kan hngalh khawh hna lai. Atu hi kanlung adong ahcun ralkap an i lawm tuk sual lai caah kan thazaang kan chuah chin chin aherh. Credit: Rolian

Leave a Reply