By Ro Lian: Thantlang nili chung duh lonak lam kan zawh i a nili ning in ka zoh hna, ka ngaih chiat mi cu kan lamzawh ning hi uico lolang kal in kan kal tiah ka ruah, khualu le khuataw cul in ralkap uknak kan duh lo tiah au i acaan adih in inn ah kan lawi. Lamzawh caan adih in minung pahnih khat nih (tulio ralkap he aa pehtlai in ramkheel lei biachimnak) massage zong a um lo.

Nihin kan mino tampi hna nih ralkap uknak kan duh lo timi tiang lawng theih in lam an zawh ralkap uknak athat lo ning an thei thlu lo. Lamzawh nak zong ah hruaitu asi mi hna nih ramkheel lei kan pa le kha biachimnak pek ding asi. Lam kan zawh minak in kan donghnak taktak massage kha ramdang nih point an lak mi asi.

Chim ding in special in ka tim lengmang nain hruaitu hna nih caan an suai ning in an,kal pi caah ka dai. Online tu in ka au lengmang ko ne lai. Thantlang ah ramkhel upa kan um lo maw? Kanchim ngam lo maw asi hruaitu hna nih caan an sersiam lo dah asi? Kan lamzawh ning cu ka khua ruah har ko, Hakha ahcun ramkheel lei upa / mino hna biachimnak in an caan an donghter, ka hngar tuk hna. Lamzawh i sullam a ngei lo mi lamzawh cu man angei bal lailo.

Relchih: Chin Miphun ni i kan pa le hna biachim pek le pek lo hi Federal uknak he zei hmanh aa peh tlai lo tiah ka ruah. Bia chimnak caan an rak pek bal ko hna cu hlan zong ah asi nain feferal democracy caah zei hmanh a chuah pi bal lo, ralkap le aparty nih cun kan duh mi taktak pek lo in atuktak ah caan aa kan pek, kan herh mi taktak pek cu an duh bal lo.

Atu cu zei tluk in dah federal an duh lo cu a hung fiang ko, ralkap hruai mi UEC, tuanvo ngei tu hna nih cun biadik an chim bal lo i tlangcung mi caah a herh bik mi tuah cu an duh bal lo, democracy muisam a lo ngai mi tuahnak nawl hna a kan pek lai i kan hmur ka phihnak men asi.Ralkap Min Aung Hlaing biachim kha ruat hman uh, ahnu bik remdaihnak bia arak chim lio ah zei hmanh tuah ngam lo mi ka ngei lo” tiah arak ti.

Asullam cu democracy taktak hmanh hi hmu deng usih law democracy taktak hmuh lai ahcun athin phang lai i democracy kan hmuh deng mi kha ahrawh thiam thiam ko lai, cu tik ah athar in democracy lamsial than ahau kolai.. Cucaah ralkap le USDP lio ahcun chin miphun ni hmanh ah biachim ding aa kan sawm ti kha cu hlen thawinak aa zumh mi kan si, chin miphun ni biachim khawhnak ngeih nak in azungzal in chin miphin ni ah biachim khawh nak he aa peh tlai mi federal uknak kha abiapi deuh.

Cucaah ah tutan Chin Miphun ni ah hin atu ralkap cozah hna zong sawm loin chin mi lawng bak nih ahram thawk in adongh tiang i tawlrel ding aherh, ralkap sin ah CND tuahnak nawl hal hlah usih, cun ralkap cozah he aa peh tlai mi sawm hna hlah usih, aa kan hro zong ah kan miphun kong ah rak i caih rih hlah tiah raltha tein ti ko hna usih, ralkap hi azumh hrimhrim in zum hna hlah usih. Cattialtu: By Ro Lian Thang