Thantlang Khuachungah Vok An Pul: Thlakhat Chung Ah Vok 50 Tluk An Thi Cang

Chin News

Thantlang khuachung ah 2020 Febuary thla dih lai hrawng in April thla thok tiang ah vok 50 tluk an thi cang tiah tuanvo ngeitu sin theih a si.“Vok sii ka chunhnak hi kum 30 tluk a si cang, cu chungah a tukum tluk in vok a thi mi ka hngal rih lo. Atu zong hi ni vok a zaw mi le a zaw lai tiphan ah sni chiar te sii chunh ah kaa chok peng ko. Vok an zawt hi Febuary thla dih lai in khan aa thok i April thlathok tiang ah vok 50 deng an thi cang. A tu lio cu sii chun mi lawng te an si ko hna. Hi nak in a thi mi zong an karh kho rih.”tiah vok sii chun saya pakhat nih TCP ah a chim.

Vok a thi mi chungah hin sum 4 in a cunglei deuh an si hna. Hi vok zawtnak hi zeitin dah aa thok ning a si timi le zeibantuk sii in dah damh khawh an si timi thei a si rih lo. Nain micheu nih an vok a zaw sual lai ti phan ah a hlankan runvennak sii le Vitamin tibantuk zong an chunh cia cio hna. Inn khat ah vok li/nga tiang aa zuat mi hna zong an dih lak in a thi dih i lamhla pi ah vawlei cawh in an phum hna tiah theih a si. Credit: The Chinland Post

Thawngpang dang rak rel chih: Coronavirus hi hlan deuh ahcun airports, flights cung le zapi itonnak Station tbk ahhin i char bik a si. Asinain, airport a king cang. Travellers pawl tam deuh an tlung cang. Non-essential offices, stores le Restaurant vialte zong zarh 2 renglo an khar cang.

Cucaah, tulio Virus an icharbik nak a si lai tiah an zumhmi cu “glossaries store” le Gas Station a si cang. Cucaah, dawr nan kal ahcun glove ihruk a tha. Hmur ihup a tha. Hmai itong baklo ding hrial a tha. Kut Ikholh colh a tha. A tuletu kal lo dingin bazar voikhat kai ah tampi in icaw cia a tha. Credit: Zasang Cinzah

Note: Hmanthlak hi Google ta kan lakchinmi a si. Anmah nih an hmanthlak an tar lem lo caah kanmah nih a remcan ning in kan vun tarchinmi a si.

Leave a Reply