Khuaruahhar ko. A tanglei kan rak langhter mi hi Salai Thawngpi timi ih Thantlang khua ah a cang ttheu tawnmi asi tiah a ttialmi zoh tikah khuaruahhar taktak khi si, khat lei cun ningtti lei hna khi si. A ttialnak ahcun tukum chung tiangah a cangmi thil asi pinah voikhat a can ahcun caan rau lo te ah aa peh colh tiah thil um tu ning kong a chim mi nih khuaruahhar taktak si. A chim mi cu a tanglei ah kan rak langhter.

Khuaruahhar PhunKhat A Si Ko Rua: Thantlang ka phak ka ah Palik bawi pakhat nih bia a ka ruah. Thantlang ah mahte lai ai nawng mi pakhat a um cun rau lote ah pakhat nih a zulh colh ve. Hihi a um tawnmi thil a si a ka ti. Kan hnulei ah palik pakhat hri in ai awk. Thawng an van ka thanh i ka lung ah rau lo teh midang pakhat nih a zul colh hnga maw tiah a chuak. Aruang cu palik pa nih a ka chimhmi a si tak maw, si tak lo ti hngalh ka duh ca a si. A rau taktak lo. 22.2.2020 ah hri in ai awk mi an um taktak. Hihi thil khuaruahhar phunkhat a si ko tiah nan ruat ve dek maw? Ref: TTFTN

Relchih. Nihin Myanmar ram kong he pehtlai in tahchunnak tuanbia kan chim hna lai: Voikhat cu Lian Do nih hringtu a nu le pa lungtlin lo in nupi a fir. Hringtu anu le pa nih chim awk hngalh lo ah vok an thah piak ve, chaw an man dih. Cu vialte tuah piak lo ah le a buai ding a si fawn caah an tuah piak. Hringtu a pa Chum Er nih “ka fa zei dang vialte nak in nupi pasal ngeih hi upat ding a si, a ruang cu thih tiang chungkhar dirh nak he aa peh tlai mi a si, atu na nun ning zoh le na kum tuak cun nupi pasal ngeih na za ko nain chungkhar sernak lei ah patling na si rih lo tiah ati tawn. Asinain vawlei sualnaknih a tei tuk caah nupi cu a fir ve ko.

A hmai thla ah Inn dang chuah kan duh tiah hringtu apa cu a chimh. Hringtu a pa nih ka fa I ngai chih hlah aw. Nupi ngeih poh hi inn dang chuah an za tinak a si lo, lungthin put le patling lungthin put khawh a herh. Asinain thil sining hngalhnak ah chuak ne ko u, zei hmanh pek awk bel kan ngei hna lo, inn pakhat ka cawk mi khi I lak uh, cun bel le kheeng na duh mi kha nan herh zat in I lak, ihphah puan zong i lak tiah ati. cu ti cun Iin daang cu an chuak,,, chungkhar ser ning cu a phunte a rak I dan caah lungrethih nak nih a tlun hnaw. Khat te lei ah, a nupi nih cucu cawk ka duh cucu ei ka duh cucu kan nei lo, kan innpa le kan hawi an nei dih tiin leiba cawh bak in a van cawh. Tlawmpal ah an nu nau a pawi chimchap, an pa nih a ti mi cu chungkhar ser ka timh mi hi a rak tuan deuh ko rua mu, ka kum nih a phak zong ah ka ruahnak le thinlung nih chungkhar ser khawhnak tiang taktak a phan lo hi a ti.

Thla thum hnu ah a naupa Kaleb nih hringtu a nu le pa cu “ka nu ka pa nupi ngeih ding cun kadirhmun le ka ruahnak nih a tlinh lo, asinain nule pa nan retheih ning ka hmuh ah ka lungtha lo, a zei si zong ah nupi ngei ning law nan caah a tha ding mi tu nupi thit khawh zuam ko ning tiah a ti. Hringtu a pa nih, kafa na nu le na pa tham cu kan thi deng ko, kanmah zawn ruah awk a um lo, nu le pa zawn na ruah mi nih chungkhar a ser kho ding mi pasal na sinak a langhter, na caah nupi thit hi ka ngaih lah lo, kan thit lai, nungak cu kawl law kan ca le na ca ah a tha bik mi cu kan thim lai tiah an ti. Thla hnih tluk a rauh hnu cacawn nithum ni ah zalam ah aa chok mi nu ahmursensi thuh tha ngai mi tanakha he skirt thil thuam he aa chok mi Leng Iangku a hmuh cik khat te cu mit a van hlang nain in khua a ruah mi cu, zarh pini le zarh can zong a si lomi ah hi tluk aa tamh mi hi mifel maw a si hnga mi thathu dah a si hnga tiah khua a ruat.

Laimi kan dirhmun in khua a van tuak. Laimi cu, cinthlak in aa cawm mi kan si caah riantuan can zarh laklawh pi i aa tamh mi nu hi chungkhar ah zohkhenh tu le rinh canh tlak cu a si lai lo ti in a ruah i helh ding aa leet than. A hmaizarh cawn ni ruk ni zanlei muilei ah tihthing phurh bu he a rak tlung mi nungak cu ahmuh. Amui zoh ah a chia nain mifel a sinak nih iang ngei mi nungak a si nak le nu fel a sinak alanghter. Kaleb nih a hei naih i Nu sung, tuni cu cawn niruk ni pei a si, lokal pawl hmanh tuan ah an tlung, nang vial zanlei tiang thing na phur, zei tin hme a si tiah a ti.

Nu sung nih atu i rian ka tuan mi tham cu, atu caan ka thutdirnak ca a si lo, hmailei chungkhar ka sernak ding ca tiang in khua ka ruah caah nungak ka si zong ah hmailei ka nunnak ca a biapi ti ruat bu in nutung bang rian ka tuan tiah a ti. Leklak inn ah a tin a nule pa cu Kaleb nih a chim hna. hringtu anule pa nih nungak na hmuh mi pahnih hna lak ah a ho dah a dawh deuh tiah an hal. Kaleb nih zalam ah stylr taktak in a chawk mi nu Iangku kha a van thim. hringtu a pa nih Leng Sungku khi zei ruang set te ahdah na na thim lo a van ti. Leh awk athei lo.

Caan tlawmpal hnu ah hringtu a pa bia kha biapi ah chia in Sungku thit cu aa zuam. Kum le khua cun Kaleb hi chungkhar ser ding in a cuza rih lo, asinain a khuaruah ning le cawl cangh ning nih chungkhar a ser kho ding a si caah hringtu a pa nih nih “kafa Chungkhar a ser kho ding mi na sinak cu na lungput le um tu ning nih a langhter ko, ka sia na herh lo, chungkhar zong na ser khawh ko lai, na u kha cu kum le khua cun chungkhar ser kho ding mi a si cang nain a lungput khuaruah ning zoh ah chungkhar a ser kho ding a si lo.

Thil tampi kan pek zong ah man a ngei lo, a nih cu Chungkhar dang a ser lio ah kan ngeih mi thilri a ciasa bak aa kal pi mi zong an vaivuanh dih, nang cu kal pi awk le thenh awk hmanh kan in ngei lo nain kan inn pek khawh mi te hmang in chungkhar ngan na ser khawh kan zumh. Atu bantuk na khuaruahnak in khua ruat ko. Biacah kan duh mi cu, midang soi hna hlah, doh hna hlah, dinnak kha raltha tein tanh tiah bia cah ta.

Federal a aupi tuk mi Miphun Party hna, nan aupi mi hi kan in doh in soisel hna lo. Federal lak cu, inndang chuah in chungkahr dang ser he aa lo. Asinain chungkhar ser kho ding mi lungput nan ngei ve maw? Kum le khua, chim thiam nak men in Federal uknak Inn chungkhar dang chuahpi kan tim hlah u. Federal inn dang chuah pi kho ding mi dirhmun na phak in kan chuah pi. Cu lo ahcun ti le rawl lo in na kan chiah sual lai. Ref: The Voice Of Democracy