Lal Maung Cung Cinzah: Chin pine cozah hruainak in Thantlang ah tuahding mi Kum (72) nak Chin Miphun Ni luhnak mi dawnnak catar le catial cu hi ti hin asi hoi ko hih. Chin ca-Laica fangkhat te hmanh an telh lo. Kan miphun ni hmanh ah kan ca kan tial kan langhter ngam lo ahcun zeitindah miphun dang nih cun an kan upat khawh lai.

Kan miphun ni te tal ahcun acung bik ah lianpi in Chin Miphun Ni tiah kan tial piak u tiah a hlan khan in kan au khuang peng, kum chiar an mah kel zapi hmaikhah lo ah acheu nih a nikhua lai ah an remh tawn. Kan miphun ni hmanh i kan ca kan holh kan hman ngam lo ahcun miphun dang pawl tham cu an kut an bengh-an i lawm- an kan upat lo, an kan nihsawh an kan thlanglamhnak tu a si. Chin Miphun Ni cu Kawl miphun ni a si lo. Aho nih dah Chin ca (Laica) in tial hlah u a kan ti ngam lai.

Relchih: Ka vun peh rih lai. Atulio online thilsining boruak ka lung-ummi. Laimi hi ramdang kan umnak a vun sau deuhdeuh ii, mitampi cu Laitlang lei ummi chungkhar he i pehtlaihnak (relationship) a rawk chin lengmang in a lang. Cucaah Laitlang lei ummi nih ruah a herh vemi cu.

1. Fale pei an si cu ka va/nupi pei asi cu u le nau pei an si cu tiin lawmh biachim (thanks/appreciate) zong um satsai loin-a tuah awk pei asi cu a ti awk pei asi cu phaisa aa kan kuat awk pei asi cu tibantuk lungput a ngeimi poahpoah cu ramdang ummi chungkhat he an i pehtlaihnak a rawk thluahmah ko lai. 2. Ramdang kan nunning (life) taktak hi Lai lei ummi nih an rak thei taktak lo. Lai lei chungkhat nih ramdang ummi he i chawnhbiak tikah abiapimi cu thazaang pek thiam hi a herh ngai. Ramleng ummi hi, an thinlung a rak ba ngai, ti kha philh piak lo ding asi.

3. Ramleng lei chungkhat le ramchung lei chungkhat i pehtlaihnak a tthatnak dingah abiapimi pakhat rih cu phaisa kongah i zumhnak (trust) a um bak hau. Phaisa kongah i zumhnak (trust) a um ahcun phaisa kuat an tha tho peng lai, an ei hnga le ngeihchun te hmanh an sian peng ko lai. Ref: Salai VDC