Thantlang-Hakha Bus kalmi a letmi i ngaihchiatnak a tongmi hna le hlimhma tuarmi bawmhnak an peek hna

Chin News

Thantlang, Pu Thang Hrim sia zuatnak pawngah Hakha-Thantlang caantling tein a kalmi Chin Taung Tan khualtlawng phurtu Motor cu tuzing suimilam 7:30 Am tluk hrawngah a eksident a tong i minung pahnih an nunnak a liam. Cun, hliam a hma tuarmi zeimawzat an um i sizung ah tlikpi colh an si hna.

Image may contain: tree and outdoor

Thantlang khuami pakhat nih, “Zeitindah a cangsual ning a si ti cu kan thei kho ve rih lo. Minung pahnih a hmun ah an nunnak a liam. Motor khal pa hi a phei a kiak i, ruahchannak cu a um tuk lo,” tiah a chim.

Image may contain: 1 person, standing, tree, outdoor and nature

Tuzing Chin Taung Tan khualtlawng motor eksidentnak ah ngaihchiatnak a tongmi chungkhar pahnih hna le hliamhma a tuarmi chungkhar hna cu Chin Ramkulh Acozah le vuanci hna nih sizung ah va veh hna in bawmhnak an peek hna tiah thawng kan theih.

Chim ramkulh Sipin vuanci U Soe Htet le Social Affair Minister Pau Lun Min Thang hna nih tuzing Chin Taung Tan khualtlawng motor eksidentnak ah ngaihchiatnak a tongmi chungkhar pahnih hna le hliamhma a tuarmi chungkhar hna cu sizung hrimhrim ah anmah va kal in bawmhnak an peek hna hi a si.

Ngaihchiatnak atongmi chungkhar cu Myanmar tangka kyat tingthum (3) veve le hliamhma a pu mi chungkhar hna cu Myanmar kuyat tong sawm nga (50000) cio bawmhnak an peek hna tiah thawng kan theih. An thil tuahmi zoh tikah upatnak awk tlak taktak an si. Hliamhma a tuarmi chungkhar hna damnak an hmuh zau nakhnga le ngaihchiatnak atongmi chungkhar hna kan in tuarpi tuk cio hna.

Thantlang in Hakha a kal lio ah Motor aa let i aa khawng mi chungkhar hna cu Chin Ramkulh Cozah Vuanci hna le tuanvo ngeitu hna nih Bawmhnak an pek hna

 

Hliamhma a tuarmi chungkhar hna damnak an hmuh zau nakhnga thlacamnak in bawm cio hna usih. Cun, ngaihchiatnak atongmi kaphnih chungkhar hna zong Pathian nih nan ngaihchiatnak in hnem hram ko hna seh! Chirhchan:Chinthawngau & The Hakha Post

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin

Leave a Reply