Thantlang CNLD Party EC Thimnak Le Pu Lal Maung Cung Ai-Awhtu Ah Candidate Minung Thar An Thim Khawh Cang

Chin News

Thantlang CNLD party cu tlamtling in Party EC thimnak le Pu Lal Maung Cung Ai-awhtu ah Candidate minung thar thimnak July 16 ah an tuah khawh cang. 2020 Thimnak he pehtlai in Thantlang CNLD Party cu buainak a um caah Party si hruaitu hna phuah an si hnu ah July thla 16 ah Thantlang Peng CNLD EC thimnak le Pu Lal Maung Cung aiawh ah Candidate Minung zong CNLD Party EC thar nih an fehter tiah theih a si.

2020 Thimnak Ah CNLD Party Nih Minung Thim An I Palh – Lai ...

Hi meeting cu Thantlang khua ah tuah ding in timhtuahnak an ngei lio ah mipi i tel lo ding in nawlnak an tuahmi tete a um nain mitlawmte in ton biaruahnak meeting cu an tuah khawh tiah theih a si. Cu meeting ah Party EC thimnak le 2020 Thantlang Peng in Pu Lal Maung Cung Ai ah minung Candidate thar thim dingmi zong an thim khawh tiah theih a si.

Image may contain: 1 person

Hi meeting ah Thantlang CNLD party EC ṭhenkhat hna le Hakha CNLD ṭhenkhat hna zong an i tel tiah theih an si. Thantlang CNLD Party le CNLD Bahu tiang in pumpak lung i hmuh lonak le Minung i chuahnak tiang a um ruangah Candidate mithar thim haudirhmun ah an dir caah atu bantuk mithar an thim hi a si. Thantlang CNLD Party meeting ah Pu Lal Maung Cung le Pu Tim Sang hna cu an i tel ti lo. Sawm zong an si ti lo tiah theih a si. Thantlang Peng CNLD in Candidate mithar an thimmi cu tlawmpal ah kan langhter ṭhan Lai.

Note: Copy na kan tuahpiak lonak lai kan in nawl duh hna.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih Chinworldnewsevening page ah le J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Upatnak he-Admin

Leave a Reply