Thantlang in Sopum kalnak lam ah motor le motorcycle an i pah. Hakha Pengkomh, Thantlang khua lonh Sopum kalnak lam ah motor le motorcycle 2020 December 7 suimilaam 6:00PM tluk ah an i pah i a thimi an um lo nain faak ngai in an i khawng tiah theih a si.

“Thantlang in Sopum kalnak lam petrol dawr hmai ah a si. An i pah ning cu; motorcycle nih motor lonh aa timh lio ah atu bantuk in an pah hi a si. Motorcycle a khaltu pa hi a lu a kuai, a hnakhaw in thi a chuak i sii-inn ah an tlikpi colh,” tiah a hmun i a ummi pakhat nih The Hakha Post ah a chim.

Hma a pu mi pa hi Thantlang sii-inn lei nih an thlop khawh lo ca ah atu hi Hakha sii-inn lei ah an ratpi lio a si. Chirhchan: The Hakha Post

Thawngpang dang rak rel chih:Nihin Kan Pu Daniel Andrew Thawngthanh chungin a biapi deuh pawl
Cacawn nikhat ni, 7/12/2020 thawkin, 1. Kum 1 tang ngakchia rel chih loin inn ah mileng 30 tiang cohlan khawh a si cang lai. Hi mileng 30 hi voikhat ah an rati kho hna asilaoh caan dangdang zongah an ra kho hna.

2. Aleng ah minung 100 tiang ton khawh a si cang lai. Kum 1 tang ngakchial cu hi 100 chungah hin telh chih an si lo. 3. Inn in a leng chuah tik poah ah Face mask i ken zungzal ding a si lai i, shopping centre chung bantuk innchung um tikah siseh, buss le tlanglawng le Taxi le Uber i cit tik ah siseh face mask i tuah peng ding a si lai.

4. Biaknaklei tonpumhnak: Density quotient timi mi chahpan tuaknak zoh in a pum kho mi milu tuak a si lai i electronic record keeping timi seh thilri in milu a relmi hna caah cun 2sqm chungah minung 1 in tuak a si lai i electronic record keeping system a hmang lo mi pawl caah cun 4sqm chungah minung 1 tiah tuak a si lai. Innchung he innleng he voikhat ah hmanti khawh a si cang lai.

5. Nupithit puai le ruakhumh ah milu rikhiah a um ti lo asinain hmunhma hmetngan nih a ngeih lai i electronic record keeping timi seh thilri in milu a relmi hna caah cun 2sqm chungah minung 1 in tuak a si lai i electronic record keeping system a hmang lo mi pawl caah cun 4sqm chungah minung 1 tiah tuak a si lai. Dance floor timi laamnak hmun cu a tam bik minung 50 a ngah lai i 4sqm chungah minung 1 tluk in tuak a si lai. Pumpak inn ah tuah a si ahcun mileng ngeih khawh zat he aa khat lai, minung 30 tiang lawng a ngah lai.

6. Holiday kalnak inn pawl inn khat ah minung 30 ca in hlan khawh a si cang lai.  7. Sammehnak le ttamhnak dawr pawl ah face mask i tuah lo khawh a si cang nain sammettu cu facemask tuah dingin ruahnak pek a si.

8. Inn in rian a tuanmi, private sector pawl cu atu lio cu riantuantu 25% lawng zung kai khawh a si. January 11, 2021 thawk in 50% zung an kai kho cang lai. Bianabia ah riantuantu 40 a ngeimi campany caah cun minung 20 lawng a si lai. Public service riantuantu pawl cu January 11, 2021 thawkin 25% zung kai khawh a si ve cang lai. Hi ti tuah taktak ding hi public healh ruahnak peknak cungah aa hngat than te lai.  Cherhchan: 201206 – Statement From Premier, 201206 – COVIDSAFE Summer – How we live
Mimi (Chin Broadcasting Network)