Thantlang thawngpang-A poi tuk hringhran. Atulio thawngpang von theih cu thawngpang chia lawngte theih awk a um. Naite ah Hakha le Thantlang ah Cycle i pah sualnak thawng kan theih. Tutan zongah Cycle i pahnak thawng a hung um ṭhan.

Thawngpang kan theihning ah Cycle a mawngtu tlangvaal no pakhat hi zu a ri ngaingai ti a si. Apoi taktak. Zu rit bu cycle mawngh cu nunnak tawinak a si tiah an rak ti lengmang tawn. Tutan i cycle a pahmi hna i tlangvaal no pakhat le palik le a nupi tiin eksident a tongmi cu an si hna. Sizung ah an kalpi  ding in an ti an hna nain an duh lo caah Palik an hngah lio hna a si tiah kan theih.

Hi kong he pehtlai in Chin Broadcasting Network nih hitihin a taar,“Thantlang Sianginn sang Thlanmual lampial zawn ah Tlangval no pakhat le Police pa le a nupi tiin cycle pahnak a cang.

“An mittlang a tlek veve i an hma zong a fak ngai. Tlangval no hi a cycle mei a um lo i Zu zong a ri ngaingai. Siizung ah thit ding kan ti hna nain an duh lo i Police pawl tu an aoh hna caah an hngah lio hna a si,”tiah a taar. Chirhchan:Chin Broadcasting Network

Thawngpang dang rak rel chih:FDA Nih Covid-19 Khamhnak Sii An Cohlan Cang. FDA timi Food and Drug Administration’s Vaccine Advisory Panel nih Pfizer nih an serchuah mi, Coronavirus ikhamhnak sii vaccine cu tuchun ah emergency caah hman ding in an cohlan cang.

FDA Advisory Panel ah hin infectious disease doctors le scientific experts pawl an itel. Mah hna nih hman dingah vote an thlak i an fehter mi a si. Mah Covid-19 khamhnak sii cu kum 16 in a cunglei pawl caah hman hmasa a si rih lai. Virus zawtnak hi 95% tiang a khamh khotu a si an ti.

FDA lei tuanvo ngeitu hna nih an chimnak ah sumilam 24 chungah 6.4 million khamhnak sii cu kan kuat dih lai tiah an chim. Cucaah thazing ahcun US ram pumpi ti awk in an kuat dih cang lai. Mah khamhnak si hi voi hnih ichunh a herhmi a si. Voikhatnak an i chunh hnu zarh thumnak ah avoi hnihnak chunh a si lai. Ngamdamnak lei riantuan mi hna le tar kum upa pawl le tar zohkhenhnak ah a ummi pawl an chunh hmasa hna lai. US citizen a simi paoh cu a lak in chunh a si lai ti a si. Source: Salai Lairamthang