Laitlang zongah thaizing thawkin tanghra sianginn  khar ding in Nay Pyi Taw lei nih cathanh kan dong tiah ṭuanvo ngeitu pakhat sinin thawng kan theih. Thaizing in Myanmar ram ah tanghra sianginn khar dih dingin rampi fimcawnnak zung nih cathanh an chuah.

Chin ramkulh fimcawnnak zung i lutlai a simi Pu Van Ro Thang nih,“Tuzaan leiah phone thawng an rak ka thanh. A hnuah ca in an rak ka kuat ṭhan. Thaizung in Cozah le pumpak sianginn dirhmi pawl khar chung a si riah lai,”tiah a chim.

Laitlang ah tanghra sianginn hi a dihlak in (207) a um i cu chungah Covid-19 boruak ruangah Cozah tanghra sianginn hi (176) an awn i pumpak dirhmi siangnn hi (9) an awn tiah kan theih. Cu chungin tanghra sianginn a awngmi pawl cu thaizing thokin khar dih dingin Chin ramkulh fimcawnnak nih cathanh an chuah.

Myanmar ram tanghra sianginn cu July ni (21) in Rampi ngandamnak le Lentecelhnak zung i nawlnak peknak in le Covid-19 phung zulh in tanghra sianginn (80) lawng awn a rak si. Zeitik dah an khar lai i zeitik ah dah an awn ṭhan te la timi zeihmanh chim khawhmi a um rih lo. Charhchan: Zalen