Thaizing kiptuh kan ram ah Meithal thawng a rin ah cun Pa vialte kan ni thawh dih lai

Hmuhning

Atu lio kan ram dirhmun aho cio paoh nih kan theih dihmi a si. Naite ah CNF/A Camp ah ralkap an kal i tonbiaruahnak an ngei hna tiah aho cio paoh nih theih dih a si. Mi tampi nih CNF/A tlamting lonak lawngte a chimmi le CNF/A cungah a phun zaimi kan tam taktak.

Yangon ah CNF ralkap 2 an tlaih hna | THE CHIN EXPRESS

Chinmi a kan tlaih lioah zeidah an tuah? Khoidah an um? tiah mawh kan chiat hna i kan soisel hna. Khoidah CNF/A ralbawi vialte hi an i thuh ti tiangin khua tuaktan lem loin an hnulei in kan soi hna i an thang kan chiat hna. Tutan ah CNF/A kan pa pakhat a simi Daniel Sakhong caṭialmi ṭha tein rel ulaw khua von ruat tuah uh! CNF/A a soiselmi le a thangchiatmi pawl nih hihi nan ngamh ve ne lai maw? ti von i tuak hna usih.

May be an image of 1 person and smiling

CNF/A kan pa pakhat a simi Daniel Sakhong amah pumpak timeline ah a taarmi cu,”CNF/A a mawtchiat mi vialte nan cung ah kan thin a hung lo. Kan Chin miphun nan dawt caah a si. Nain, thaizing kiptuh kan ram ah Meithal thawng a rin ah cun Pa vialte kan ni thawh dih lai. A ho hmanh kan ni thup lai lo,” tiah taar.

Cun, CNF kan pakhat a simi Pu Htet Ni nih The Hakha Times ah hitihin a chim ve,”CNF/A hi nan kan uhtanh ko, nan mawh lo, amah belte hriamtlai dang he tahchunh awk kan tha deuh lo: Pu Htet Ni

May be an image of standing and outdoors

Atulio kan ram buainak kong ah mizapi nih CNF/A hi nan kan uhtanh i nan mawh lo, amah belte Tlangcung hriamtlai dang he tahchunh awk kan tha lo, tiah CNF/A Chimphuannak Nawlngeitu Pu Htet Ni nih a chim.

“Nationwide Ceasefire Agreement (NCA) ah minthu ciocio Tlangcung hriamtlai hi kan i khat hna lo. Kannih CNF/A cu Bilateral Agreement ah umnak hmunhma (control area) kan ngei. Phundang cun umnak hmunhma a leng ah meithal, uniform he cawlcangh thiam a si lo tinak a si. KNU khi NCA ah minthu mi an si ve nain rikhiah mi hmunhma (control area) an ngeilo. Mah belte an thazaang a thawn ca ah anmah tein control area an i ser khawh.

“Thazaang an ngei ca ah an hmunhma chung ah an cawl kho ngai. Thil a um rih mi cu an control area ah hin Kawl ralkap zong hmunhma an laak ve tik ah i kah peng cu a si ve hoi. Atu CDM kong ah an cawlcangnak khi anmah control area chung ah a si. Kan dirhmun aa khat lo i hihi mizapi nih a ruah zia an thiam deuh rua lo. Chungtuan an si ve lo tik ah an mawh ve bak lo. Kanmah CNF zong kan hmunhma ah Kawl ralkap hi hmun khuar ve hna sehlaw kan buai ve kho ko,” tiah Pu Htet Ni nih The Hakha Times ah a chim.

Zeipoh a si ah hriamtlai dang hna cu thazaang an ngei. CNF cu hriam thazaang kan tlacham tuk. Thazaang ngeih i mizapi nih dirkamh tham ahcun kan cawlcang kho tuk ve ko lai, ti zong Pu Htet Ni nih a chim fawn. Source: The Hakha Times (Daniel Sakhong)

Leave a Reply