Thailand in a rak tlungmi hmundang tein an chiahmi mizaw pakhat cu nizaan April 1 ah Mawlamyine sizungah a thi tiah theih a si. A thimi hi kum 39 mi a si i Thailand in a rak tlungmi a si caah a dang tein an chiahmi a si.

April 1 ah cu a dang tein an chiahmi mizaw cu a hung zualhmat deuh caah Mawlamyine sizungah an tlikpi colh. Asinain zan suimilam 9 hrawngah cu mizaw cu Mawlamyine sizungah a nunnak a liam hi a si.

Mithi kongkau he pehtlai in Mawlamyine sizung i Dr. Kyaw Myint nih a chimmi cu “ Mizaw hi Thailand in a rak tlungmi a si i zumthlum le thisen thlum zawtnak a ngei ciami a si. A dang tein an chiahnak a umnak ah ruah lo piin a tlu i sizungah an ratpi nak hi a si. Zun thlum le thisen thlum zawtnak a ngeih kan theih a tlai deuh caah mizaw cu kan chanh manh lo zun thlum le thisen thlum zawtnak in a thimi a si,” tiah a chim.

Atu dirhmun ah Thailand ram in a rak tlungmi lunghrinhmi mizaw hi 9 an si i Mawlamyine sizungah an thlopbul cuahmah lio an si i an dam ngai cang tiah sibawi te sinah theih kan theih. Tutan a thimi hi zun thlum le thisen thlum a thimi a si ko nain Covid-19 angeih le ngeih lo check dingin Yangon ah a thi zong kuat a si cang. Source: O Media