Khon Kaen-Thailand ram Mancha Khiri peng khat ah Myanmar rammi rianṭuanmi minung 2 cu motorcylcle in an kal lioah mawṭaw pakhat he an i pah i Maynmar rammi pahnih hna cu cacawn nithum ni ah an nunnak a liam tiah Bangkok Post nih a tarlangh.

Accident nak thil a cangmi cu Hniang 18|08|2020 zinglei suimilam 12:15am tluk hrawngah a si. An accident nak hmun cu Papho khua pawng Mancha Khiri-Phra Yuen ah a si tiah Mancha Khiri palek zung i rianṭuantu pakhat nih a chim.

Mawṭaw mawngtu Wapi Khaeso kum (46) Thailand pa nih accident an tonnak kong he pehtlai in hitihin a chim,“Motocycle cu lam laifang i line rinmi lonh in Mawṭaw hmai zawn ah rak tli i ka mawṭaw ka ṭhin khawh (control) lo ruangah ka pah i motorcycle ka pah hnuah Electric tung zong ka pah chih,” tiah palek sinah a chim.

Mawngtu Wapi zong a lu ah fak ngaiin hliam a tuar i a lu ngaiin a tlek tiah theih a si. Vanchiatnak a tongmi Myanmar rammi pahnih cu Kudkhao, Mancha Khiri peng sathahnak hmun ah rianṭuanmi an si tiah Bangkokpost nih a chim.