Chin Cozah An Palhnak Pahnih

Tutan Halkha inn hrawhpiaknak kong he pehtlai in heh tiah kan media (The Hakha Post le The Chinland Post) khatlei khatlei biaruahnak an kan ngeihpiak hna. Pu Kio Mang fapa pu Khua Kung, sipin bawipa, khuanu khuapa le pupa ram ngei ai timi hna tling tein bia an ruah dih hna. Kan media cung ah keimah pumpak in upatnak zong ka pek hna. Media thawng in zei paoh kanmah le um hmun tein biakhiahnak kan rak isiam khawh cio. Asunglawi tuk.

Media hmang in ka cuanh ve tikah cozah nih an tuah awk rian an ttuan tiah ka ruah ko. Amahbelte: 1. Public Policy an hmang thiam deuh rua lo hlah maw ka ti. Ram ngeitu hna he felfai tein hmaitonh biaruahnak le ram ngeitu hna lungtlinnak cozah pakhat simi nih atuah khawh lomi hi Chin cozah an palh ko rua tiah ka ruah. 2. Zei va si hmanh ah media luhter an sianh lomi hna cu an palh cikcek. An iruah sual dipdep. Democracy ah cun media hi biadik akan hmuhtertu ah hman thiam an hau. Hman loin attih in ttih cu mizapi caah lung athur peng la. Kan in lunghrinh peng hna la. Credit: Lian Bawi