A tutan kan nau le Pa, Rual Bik Thawng le a hawile nih an vuak mi Ngun Dawt he pehtlai in a ho cio paoh thinhung le thin lin in kan um cio dih ko hna, asinain khua fak deuh ruah ahcun minung cu a palh kho kan si caah voikhat voi hnih palh ruangah khua khat le khua khat i dohnak bia le i huatnak bia kan chim lengmang mi hi hmailei kan caah thil ttha a chuahpi tu ding a um lo. Aliam cangmi cu khirh tthan awk a ttha tilo pakhat le pakhat i daw te le i rem tein um le i ngeihthiam le i zaangfah hi kan teinak hrampi a si ko lai.

Cucaah Thangzang khua mi zongnih Tiphul kan U nau pa Rual Bik Thawng cungah thinhun nak kan neihmi vial te Thlacam bu tein ngaithiam ko hna usih ti ah Bawi Khrih min in kan nawl hna,kan Unau pa Rual Bik Thawng ca zongah dawtnakin thla cam piak hna u sih law, kan Khua kan naupa Ngun Dawt zong Bawipa nih damnak pe seh law thluachuahnak pe chin seh, Khua mi zongnih thlacamnak bawm chin ko rih uh sih. An i velhnak le an palhnak vialte cu dawtnak in ngeihthiam khawhnak thinlung ngei cio u sih law zeizong te a ttha tthan ko lai.

I rem tein um cang hna u sih; Teirul chamding kan si ṭung lo, kan caah Teirul cham hi kan Bawipa nih a kan cawnpiak mi a si lo i ngeihthiam nun ngeih hi kan Bawipa nih a kan cawn piakmi a si, zei ca ti ahcun,Teirul chamnak in ngeihthiam nak a ropui deuh i, thinhunnak nakin zangfahnak nih thil a ti khawh deuh, Tiphul Khua le Thazang kong hi chim ti hna hlah usih, daw le remtein um tti cang hna u sih cucu Bawipa duhmi le hna tlakmi zong a si lai..

Kai Lawm. Nan nan U nau
Job Lian Cin Thawng