Teinak Hmuh Nan Duh Taktak Ahcun NLD Ah Um Ko: Tei tu dirhmun i um na duh a si ah cun NLD ah um ko.Kawl ram chung ah zeiruang ah dah NLD hi kan duh i kan uar bik tiah cun NLD party cu Kan ram Ralkap uk nak chung in kan luat khawh nak dong caah Thisen thlan he thong in chung in dirh mi party a si.Mi va do nak ding ca ah khan hriam nam thimfang tia hmanh a put bal lo i dawt nak lawng kha a put mi cu a si.

Mifim bia ah Hriam nam nak in Dawtnak hi tha zang a ngei deuh a ti kha curuang ah NLD party nih cun raltha tak tak a hman mi lawng te kha a tlaih ko.A background kan zoh a si le Kawl ram chung lawng hlah NLD party hruai tu hi Ramdang an phak ah cun kut lawng in an kir bal lo ti sih law kan palh lai lo.Vawlei cung ram thawng thawng hna le Democracy a si lo mi ram tiang nih an upat i Puan sen phah piak mi party asi.

Cucu NLD a fim ruang ah maw a rum ruang ah maw ai dawh ruang ah maw Si nai sai hlah mihi an rak hrut lo teh.Thisen le thong in chung in Party a dirh mi le Suit he necktight he party a dirh mi cu zei tin ah an i lawh khawh hnga.Hna nan ngeih ah cun thei u law mit nan ngeih ah cun zoh law hmu ko.Party politic kan ti mi cu a chim le rel cun kan thiam cio ko hna.A si nain mipi nih cun ram kan dawt tak le tak lo cu khua le ram caah kan tuar tem nak kha pei an zoh cu.

Micheu cu a chim cu kan thiam ngai nain micung ah kan rak tuah ser nak le khua le ram cung i kan lung thin put cu tuk sum le rapthlak tinung hna an rak si.Una le nau hna ka tih tuk Zei tin hme bia hi an chim ngam ti leh lam ti awk in mi cheu hruai tu cu an si.An hman thlak van hmuh bak hin tha hi a uai thluah mah ko.NLD party hruai tu cu A rak thi mi zazat,Kum kul kum hlei nga thong tla na leh Cucu sifak san tlai lo hna ah kan ruah sual hna hng England ram hna in le sihni le rian ngan tlai pawl kha hme cu khua le ram an ruah tuk ruang ah Thong in chung ah an mah tein an i khumh ko cu a mak tuk lo maw.

Curuang ah cun bang le kei zong hi tha tein i ruah kan hau Lai mi zong hi kan fim ve cang i a hlan i chim thiam pa nih Thawng tha an kan chimh i Krifa bukip kan rak kuai ban tuk kha kan si ti lo Pithlung in thar lawm an chim bang Buu kip cu kan rak chuak hi kan miak mi cu then thek nak le tum chuk nak lawng a rak si ko.Thei ko hna usih a ho ti um lo 2020 thim nak zong ah hin Tamatah cu NLD chung in a fiang ko i Tamatah nih Uancuchoh cu NLD chung in a khanh hoi ko lai i Midang party zeimaw zat khi tei nak hei hmu hmanh seh law nan khua nan ram ah an ra lai i Thil nan van hal tik ah aw si ngai.

NLD pawl kan chim ta hna lai aw ti ding kha an in ti ngam ttung lai lo i si e si e an in ti lai nain an chimh ding mi pa kha cu NLD he tiah a thang an rak chiat mi ka pu Uancichoh pa an ti te tung lai le Party dang ca ah cun ngaih chia a va si te lai dah.Kha tha tein ruat law tuak ve law michim mi pauh kha zum ti hlah law a ho party dah Vawlei pi nih hin a thei i Kawl ram chung ah a ho party nih hin dah nawl ngeih nak a ngeih lai ti zong tuak tan law a tha hnga.Hal tu si maw na duh pe tu si dah na duh.NLD party cu pe tu dir hmun ah a dir peng ko rih lai i Pe tu le Tei tu si na duh ah cun NLD ah hin um ko cucu a hman mi asi lai. Ref: TCLP. Photo- Credit: The Chinland Post