Mi mo/nupi ka si tik ahcun cawnpiak le sosel/thanhchiat ka ton lo nak ding le ka fale ka tunmer khawhnak ding ahcun pa nih a thiam mi vialte ka tuah in ka thiam khawh dih hau ve. Pa rian le nu aa dannak zong ka thei lo, ttuan duhnak lungthinngeih le tumruhnak lungput tu hi a rak si deuh.

Inn chungkhar nupa i remlonak le i zawnruahnak a um nak bik a ruang cu ‘thaathut (effect) na mit a cawt rih caah a si. Cucaah zei paoh na thiam khawhnak dingin na cawn i na teimaak a hau. Mi teima cu a thinlung le a taksa zong a ngandam in a thianghlim i, mi thaathu/zamdel beltu a thinlung le taksa a dam lo bangin, a ruahnak ah dinfelnak um kho lo. Mi teima chungkhar le nu le va cu zeitik caan paoh an remnak in an khat i, pakhat le pakhat zawnruahnak he an i daw zungzal. Credit: By: Thomas Guite

Ca biadang: Kawlram hriamnam dohthlennak cuanhnak tawi! Russia nih Kawl ralkap a dirpi a bawmh tikah fawi le bai , caan tawi ah teinak lam a bi kho. Atu ah thonginn, Bank, airport pawl, khuapi paohpaoh le abiapimi lampi pawl cu Kawl ralkap nih a control khawh rih ti khawh asi. Cun Tuluk zong nih zeimawzat ipehtlaihnak tha a ngei rih fawn tikah tuhnu kum 1 , kum 2 hlan hrawng tiang hi cu teitu a fian khawh nak lam a tlawm.

50% hrawngin dohthlennak lei phu in hmuhma lak cun Kawl ralkap nih 50 % hrawng uknak hmunhma lak ve ti phun in sau nawn a um khawh dirhmun kan si caah lungdong lo tein tei hlan lo tangti hi a biapi cem asi te lai. Atu lio Kawlram raltuknak zoh tikah a rau pah dawh in a um. Abikin fur caan hi ramtang hriam tlai pawl caah caantha asi nain zeipipa hmai an nor khawhmi a lang tuk lo ti khawh asi.

Sakhan lak tibantuk thawngpang ruahning bantukin a um lo. Tikah thal a vun chuah ahcun vanlawng le helakuhtha a hman khawh deuh lai caah sakhan lak ti bantuk cu a har chinchin kho.
Ruah lopi in an mah Kawl ralkap bawi le bawi kar ah uknak ichuhnak a um bel te ahcun tuan te ah raltuknak a dih kho. Ruah lomi le iruahchan lomi thil a cang khomi a tampi.

“Zeitluk a rauh zongah kan tei hlan lo kan do lai” timi lungput hi lai a rel te lai. Cun “Biatak tein Kawl ralkap nih ral a kan tuk khawh lo lio caan hi ralkap tintan thatha (caansau) pawl ipeknak le lungrualnak sersiamnak caan tha ah ilak thiam “zong hi abiapi kho. Caan cu a sau kho, sihmanhsehlaw nan kan teipi hrim ko lai. Chinram dohthlennak ah a nunnak a thap cangmi pawl le nunnak pakhat te lawng ngeihmi te tiang ipek ngam in raldotu vialte upatnak sangbik kan in pek zungzal hna. Credit: Salai Z T Lian